ՄՐՑՈՒՅԹԻ ԱՌԱՐԿԱ․ Երիտասարդական աշխատանքի ներածություն թեմայով դասընթացավար

ՄՐՑՈՒՅԹԻ ՄԱՍՆԱԿԻՑ․ Անհատ փորձագետ կամ իրավաբանական անձ

ՊԱՅՄԱՆԱԳՐԻ ՏԵՍԱԿ․ Ծառայության մատուցում

ԱՌԱՋԱԴՐԱՆՔԻ ՏԵՎՈՂՈՒԹՅՈՒՆ․ 28.07.2025 — 10.08.2025

ԲՈԼՈՐ ԲԱՂԱԴՐԻՉՆԵՐԻ ՀԱՄԱՐ ԱՇԽԱՏԱՆՔԱՅԻՆ ՕՐԵՐԻ ԸՆԴՀԱՆՈՒՐ ՔԱՆԱԿ․ 2 օր (16 ժամ)

«Երիտասարդական նախաձեռնությունների կենտրոն» (ԵՆԿ) հասարակական կազմակերպությունը «ՍՕՍ-Մանկական Գյուղեր» հայկակական բարեգործական հիմնադրամի հետ համատեղ իրականացվող «Երիտասարդների հզորացում հանուն հաջողության» ծրագրի շրջանակներում հայտարարում է երիտասարդական աշխատանքի ներածություն թեմայով դասընթացավարի մրցույթ։

Դասընթացներն անցկացվելու են Գյումրի և Իջևան քաղաքներում տեղական հասարակական կազմակերպությունների ներկայացուցիչների համար հետևյալ ենթաթեմաներով՝

•  երիտասարդական աշխատանքի պատմություն, զարգացման փուլերը, նպատակները և սկզբունքները,
• երիտասարդական աշխատանքի թիրախը, տեսակները և ձևաչափերը,
• Երիտասարդական աշխատողի ունակությունները և վարքականոնները։

Աշխատանքային պարտականություններ՝

• Մշակել դասընթացների մոդուլները և պատրաստել անհրաժեշտ ուսումնական նյութերը՝ համաձայն յուրաքանչյուր բաղադրիչի նպատակի և թիրախային խմբի,
• Իրականացնել դասընթացները ոչ ֆորմալ ուսուցման մեթոդաբանությամբ և գործիքակազմով,
• Աջակցել մասնակիցներին՝ ակտիվ դեր ստանձնել դասընթացի շրջանակներում և ապահովել ստացած գիտելիքների և հմտություների կիրառելիությունն իրենց համայնքներում և/կամ կազմակերպություններում,
• Առաջարկել և կիրառել փոխանցված գիտելիքների և հմտությունների գնահատման արդյունավետ մեթոդներ,
• Համագործակցել շահագրգիռ կողմերի, փորձագետների և այլ կազմակերպությունների հետ՝ որակյալ կրթական առաջարկներ ձևակերպելու համար,
• Սերտորեն համագործակցել ծրագրային թիմի հետ՝ ծրագրի տարբեր բաղադրիչների գործողությունների փոխլրացումն ապահովելու համար։

Պահանջվող կարողություններ՝

• Դասընթացի թեմայի կամ թեմաների վերաբերյալ կուռ մասնագիտական գիտելիքներ,
• Երիտասարդական կամ ՔՀԿ ոլորտում որպես դասընթացավար աշխատելու առնվազն 5 տարվա փորձ,
• Ոչ ֆորմալ ուսուցման մեթոդաբանության և գործիքակազմի տիրապետում,
• Մասնակիցների համար ներառական կրթական միջավայր ստեղծելու կարողություն,
• Դասընթացի թեմայի վերաբերյալ ուսումնական ծրագրերի մշակման, իրականացման և գնահատման գործիքակազմի տիրապետում և փորձ,
• Թիմի հետ աշխատելու կարողություն,
• Հաղորդակցման գերազանց հմտություններ, ներառյալ բանավոր, գրավոր և միջանձնային հաղորդակցությունը,
• Հայերենի գերազանց իմացություն,
• Համակարգչային գիտելիքներ (MS Word, Excel, PowerPoint, web applications),
• Տարբեր իրավիճակներում արագ կողմնորոշվելու ունակություն:

ՎՃԱՐՈՒՄ.

Ծառայության վճարումն իրականացվելու է ՀՀ դրամով՝ կատարողի կողմից ներկայացված օրական կատարված գործողությունների մասին վկայող թերթիկի (timesheet), իսկ իրավաբանական անձանց, անհատ ձեռնարկատերերի դեպքում՝ նշված փաստաթղթին ի հավելում ներկայացված էլեկտրոնային հաշվարկային փաստաթղթի հիման վրա։

ԴԻՄԵԼՈՒ ԿԱՐԳ․

Դիմելու համար պահանջներին համապատասխանող հավակնորդները պետք է ուղարկեն իրենց տեխնիկական, ֆինանսական առաջարկը և ինքնակենսագրականը margarit.grigoryan@yic.am էլեկտրոնային հասցեին, որը պետք է ներառի մրցույթի համար նշված կարողությունների վերաբերյալ հստակ տեղեկություններ և առցանց հղումներ:

Դիմումների ներկայացման վերջնաժամկետն է 2025 թ. հուլիսի 23-ը:

ՀԱՅՏԵՐԻ ԳՆԱՀԱՏՈՒՄ․

Հայտերի գնահատումը տեղի կունենա երկու փուլով.

Փուլ 1. Հայտերի տեխնիկական պահանջներին համապատասխանելիության ստուգում՝ 2025 թվականի հուլիսի 24:

Փուլ 2. Հարցազրույց՝ 2025 թվականի հուլիսի 25:

Կդիտարկվեն միայն սահմանված պահանջներին համապատասխանող դիմումները: Նախնական ընտրությունն անցած հավակնորդների հետ կանցկացվի հարցազրույց՝ առերես կամ տեսազանգի միջոցով:

Լրացուցիչ տեղեկությունների համար կարող եք կապ հաստատել ծրագրի համակարգող Մարգարիտ Գրիգորյանի հետ՝ գրելով margarit.grigoryan@yic.am էլեկտրոնային հասցեին կամ զանգահարելով ԵՆԿ ՀԿ գրասենյակ +374 95 91 91 97 հեռախոսահամարին (երկուշաբթիից ուրբաթ, ժամը 14։00-ից մինչև 18։00) ։

«ՍՕՍ-Մանկական Գյուղեր» հայկական բարեգործական հիմնադրամը երեխայակենտրոն կազմակերպություն է, որը գործում է Հայաստանի Հանրապետությունում շուրջ 35 տարի։ Կազմակերպության առաքելությունն է ապահովել երեխայի և երիտասարդների ընտանիքում ապրելու իրավունքը և կանխարգելել մանկալքությունը:

ԵՆԿ ՀԿ-ն հիմնվել է 2008 թվականին Գյումրիում՝ գործունեության հիմքում ունենալով երիտասարդական նախաձեռնությունների և ակտիվ մասնակցության խրախուսման միջոցով երիտասարդների քաղաքացիական ակտիվության բարձրացման ու համայնքի զարգացման գաղափարը։