ԱՇԽԱՏԱՆՔԻ ՀԱՅՏԱՐԱՐՈՒԹՅՈՒՆ_ԳՐԱՍԵՆՅԱԿԻ ՊԱՏԱՍԽԱՆԱՏՈՒ

ՀԱՍՏԻՔԻ ԱՆՎԱՆՈՒՄ՝ Գրասենյակի պատասխանատու (Office Manager)

ԱՇԽԱՏԱՆՔԱՅԻՆ ԳՐԱՖԻԿ ԵՎ ԱՇԽԱՏԱՆՔԻ ԾԱՎԱԼ՝ ամբողջ դրույք (շաբաթական 40 ժամ), 5-օրյա աշխատանքային գրաֆիկ (երկուշաբթիից ուրբաթ)

ԱՇԽԱՏԱՆՔԻ ՍԿԻԶԲ՝ 3 օգոստոս 2026 թ․ (3 ամիս վճարովի փորձաշրջանով)

ԱՇԽԱՏԱՆՔԻ ՎԱՅՐ՝ ք. Գյումրի, Ալեք Մանուկյան 26 (ԵՆԿ ՀԿ գրասենյակ)

ԱՆՄԻՋԱԿԱՆ ՂԵԿԱՎԱՐ՝ Կազմակերպության տնօրեն

ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐ

Ընդունել գրասենյակի այցելուներին և տրամադրել համապատասխան տեղեկատվություն,
Պատասխանել հեռախոսազանգերին,
Ստուգել Կազմակերպության էլ-փոստերը, պատասխանել նամակներին և վերաուղարկել համապատասխան հասցեատերերին,
Կազմակերպել փոստային նամակների ուղարկումը,
Թարմացնել և վարել բազաները,
Կազմակերպել Կազմակերպության առօրյա փաստաթղթավարությունը,
Կազմել աշխատակազմի ժողովների և Կազմակերպության ընդհանուր ժողովի հանդիպումների արձանագրությունները,
Կազմել աշխատակազմի աշխատաժամանակի տեղեկագիրը և ստանձնել դրա լրացման վերահսկողությունը,
Իրականացնել գրասենյակի կարգուկանոնի և գույքի վերահսկողությունը,
Կազմել և վերահսկել ընդհանուր օգտագործման աշխատասենյակների գրաֆիկը,
Ապահովել գրասենյակի տեխնիկական միջոցների հասանելիությունն ու պատշաճ շահագործումը,
Կազմակերպել ոչ սարքին վիճակում գտնվող տեխնիկայի վերանորոգման աշխատանքները,
Իրականացնել/կազմակերպել Կազմակերպության ընթացիկ գործունեությանն անհրաժեշտ նյութերի, պարագաների գնումները,
Կազմակերպել աշխատակազմի և հանդիպումների ընդմիջումները,
Կազմակերպել և վերահսկել ադմինիստրատիվ օգնականի աշխատանքը,
Կազմակերպել և վերահսկել տնտեսուհու աշխատանքը,
Մասնակցել աշխատակազմի ժողովներին,
Կազմակերպել և մասնակցել Կազմակերպության ռազմավարության և տարեկան գործողությունների պլանի մշակման ու գնահատման հանդիպումներին,
Ներկայացնել կատարած աշխատանքի ամսական հաշվետվություն անմիջական ղեկավարին,
Ծանոթանալ և հետևել Կազմակերպության ներքին կանոնակարգերին/ընթացակարգերին,
Անհրաժեշտության դեպքում ստանձնել Կազմակերպության կանոնադրության սահմաններում այլ պարտականություններ։

ԱՆՀՐԱԺԵՇՏ ՈՐԱԿԱՎՈՐՈՒՄ ԵՎ ՊԱՅՄԱՆՆԵՐ

Բարձրագույն կրթություն,
Գրասենյակի կառավարման կամ հարակից ոլորտներում աշխատանքի առնվազն մեկ տարվա փորձ,
Կարճաժամկետ բյուջետավորման հմտություններ,
Պլանավորման և ժամանակի կառավարման հմտություններ,
Թիմում աշխատելու հմտություններ,
Բարձր միջմշակութային հմտություններ,
Բանակցելու և կոնֆլիկտների կառավարման հմտություններ,
Հաղորդակցման և հանրային խոսքի հմտություններ,
Հայերենի գերազանց և անգլերենի լավ իմացություն,
Թվային գրագիտություն:

*Երիտասարդական և ոչ-ֆորմալ կրթության ոլորտներում փորձը կդիտվի որպես առավելություն:

ԸՆՁԵՌՎՈՂ ՀՆԱՐԱՎՈՐՈՒԹՅՈՒՆՆԵՐ

Մասնագիտական և աշխատանքային առաջխաղացում,
Հայաստանում և արտերկրում վերապատրաստումներ,
Պարգևավճարներ:

ԴԻՄԵԼՈՒ ԸՆԹԱՑԱԿԱՐԳ

Ներկայացված պահանջներին համապատասխանող թեկնածուները կարող են ուղարկել հայերեն ինքնակենսագրական և ուղեկցող նամակ hr@yic.am էլ-հասցեով՝ նամակի վերնագրում նշելով «Գրասենյակի պատասխանատու_Անուն Ազգանուն»:

Ինքնակենսագրականը և ուղեկցող նամակը կարող եք նաև բերել Գյումրու
«Երիտասարդական նախաձեռնություների կենտրոն» ՀԿ-ի գրասենյակ` ք. Գյումրի, Ալեք Մանուկյան 26 հասցեով:

ԴԻՄԵԼՈՒ ՎԵՐՋՆԱԺԱՄԿԵՏՆ Է ՀՈՒLԻՍԻ 2-Ը։

Պահանջներին բավարարող թեկնածուները կհրավիրվեն հարցազրույցի:

Հարցերի և մանրամասների համար կարող եք զանգահարել ԵՆԿ գրասենյակ (երկուշաբթիից ուրբաթ, ժամը 09:00-18:00) հետևյալ հեռախոսահամարով՝ 095 91 91 97: