«ԱՌԱՋՆՈՐԴՈՒԹՅԱՆ ԱԿԱԴԵՄԻԱ» ՄԱՍՆԱԿԻՑՆԵՐԻ ՀԱՎԱՔԱԳՐՈՒՄ

«Երիտասարդական նախաձեռնությունների կենտրոն» ՀԿ-ն հրավիրում է Վաղարշապատ, Անի և Ալավերդի համայնքներից 18-25 տարեկան երիտասարդներին մասնակցելու եռօրյա «Առաջնորդության ակադեմիա» խորագրով դասընթացին։

«Առաջնորդության ակադեմիան» եռօրյա ինտենսիվ կրթական ծրագիր է, որի նպատակն է նպաստել համայնքային կյանքով հետաքրքրվող երիտասարդների կարողությունների զարգացմանը, խթանել նրանց ակտիվ մասնակցությունը համայնքային գործընթացներին և աջակցել երիտասարդներին իրենց համայնքներում դրական փոփոխություններ իրականացնելու ճանապարհին։

Ծրագիրն իրականացվում է Վաղարշապատ, Անի և Ալավերդի համայնքների Գեղակերտ, Սառնաղբյուր և Օձուն բնակավայրերում «Երիտասարդական տարածքների» գործարկմանն ընդառաջ։ Ակադեմիայի մասնակիցները հետագայում հանդես կգան որպես կազմակերպիչներ և կներգրավվեն երիտասարդական տարածքների գործունեության կազմակերպման, զարգացման և համայնքային նախաձեռնությունների իրականացման գործընթացներում։

Դասընթացի շրջանակներում մասնակիցները կանդրադառնան հետևյալ թեմաներին՝

Ի՞նչ է համայնքը․ «Իմ դերը համայնքում»,
Համայնքային խնդիրների քարտեզագրում,
Առաջնորդություն,
Հաղորդակցման հմտություններ,
Կոնֆլիկտների փոխակերպում,
Ոչ-ֆորմալ կրթություն,
Կամավորությունը՝ որպես ակտիվ քաղաքացիության դրսևորում:

Դասընթացի մոդելը ներառում է՝

Ինտերակտիվ քննարկումներ,
Թիմային և գործնական աշխատանքներ,
Ոչ-ֆորմալ կրթական մեթոդներ,
Փորձի փոխանակում և համագործակցության հնարավորություններ,
Համայնքային նախաձեռնությունների մշակման և իրականացման գործնական հմտությունների զարգացում։

ՄԱՆՐԱՄԱՍՆԵՐ ԵՎ ՊԱՅՄԱՆՆԵՐ

Մասնակիցների քանակ՝ Յուրաքանչյուր համայնքից 25 երիտասարդ,
Մասնակիցների տարիքը՝ 18-25 տարեկան,
Տևողությունը՝ 3 օր,
Մասնակցությունն անվճար է։

Դասընթացի օրեր՝

Ալավերդի համայնք՝ մայիսի 28, 29, 30
Վաղարշապատ համայնք՝ մայիսի 30, 31, հունիսի 1
Անի համայնք՝ մայիսի 31, հունիսի 1, 2

Վայրերը՝ հստակեցման փուլում են:

Դիմելու համար անհրաժեշտ է մինչև մայիսի 23-ը լրացնել առցանց հայտը։

Լրացուցիչ տեղեկությունների համար դիմեք՝

Զանգահարելով 095 91 91 97 (ԵՆԿ գրասենյակ, երկուշաբթիից ուրբաթ՝ 09:00-18:00), նամակ ուղարկելով youthinaction@yic.am էլեկտրոնային հասցեին:

«Երիտասարդները գործելիս. Հայաստանում երիտասարդների զորեղացման և առաջնորդության խթանման» ծրագիրը Եվրոպական միության և Կոնրադ Ադենաուեր հիմնադրամի կողմից ֆինանսավորվող նախաձեռնություն է, որն իրականացվում է Վորլդ Վիժն Հայաստանի, Մեդիա նախաձեռնությունների կենտրոնի և Գյումրու «Երիտասարդական նախաձեռնությունների կենտրոն»-ի հետ համատեղ:»