Հրավիրում ենք Հայաստանի բոլոր մարզերից և Լեռնային Ղարաբաղից տեղահանված 13-ից 15 տարեկան դեռահաս աղջիկների՝ մասնակցելու «Աշխարհն առաջնորդող աղջիկները» (GLOW) ճամբարին, որը տեղի կունենա ս․թ․ օգոստոսի 15-ից 21-ը՝ Դիլիջանում։ 

Ճամբարի նպատակն է հզորացնել աղջիկներին և կրթության միջոցով խթանել առաջնորդությունը։ 

Ճամբարի ընթացքում լինելու են աշխատարաններ՝ առաջնորդության, ակտիվ քաղաքացիության, թվային գրագիտության, մարդու իրավունքների, կամավորության, առողջ ապրելակերպի, հոգեկան առողջության, բնապահպանության, մարդասիրության թեմաներով և հանդիպումներ ազդեցիկ կանանց և նշված ոլորտների մասնագետների հետ։ Ճամբարականները նաև ձեռք կբերեն ծրագրեր մշակելու և կառավարելու գիտելիքներ և հմտություններ։ Ճամբարի վերջին օրը կանցկացվի ծրագրային գաղափարների ներկայացում, որի արդյունքում առնվազն 5 համայնքային ծրագիր կընտրվի ֆինանսավորման համար։ 

ՄԱՆՐԱՄԱՍՆԵՐ ԵՎ ՊԱՅՄԱՆՆԵՐ

• Ճամբարականների թիվը՝ 40,
• Տարիքը՝ 13-15 տարեկան
• Ճամբարի տևողությունը՝ 7 օր,
• Մասնակցությունն անվճար է,
• Մասնակիցների կեցությունը, սնունդն ու տրանսպորտը տրամադրվում է,
• Նախկին GLOW-ականները չեն կարող երկորդ անգամ մասնակցել ճամբարին,
• Ընտրված մասնակիցները պարտավորվում են ներգրավվել ծրագրի բոլոր փուլերում՝ մեկնարկից մինչև ավարտը։

ԻՆՉՊԵՍ ԴԻՄԵԼ

Ճամբարին դիմելու համար անհրաժեշտ է լրացնել հայտը՝ անցնելով հետևյալ հղումով: ⮕ https://bit.ly/4bNcx1I

Վերջնաժամկետն է մինչև ս․թ․ հուլիսի 23-ը, ժամը 12:00-ն։

Լրացուցիչ հարցերի դեպքում կարող եք.

• Զանգահարել Երիտասարդական նախաձեռնությունների կենտրոնի (ԵՆԿ) գրասենյակ՝ 095 91 91 97 հեռախսահամարով (երկուշաբթի – ուրբաթ, 09։00 – 18։00),
• Նամակ ուղարկել armenianglow@gmail.com էլ․հասցեին,
• Այցելել ԵՆԿ ՀԿ գրասենյակ (ք. Գյումրի, Ալեք Մանուկյան 26):

Նախորդ տարիներին տեղի ունեցած GLOW ճամբարների մասին ավելի մանրամասն կարող եք տեսնել մեր ֆեյսբուքի և ինստագրամի էջերում։  

Ծրագիրն իրականացնում են ՅՈՒՆԻՍԵՖ-ի հայաստանյան գրասենյակը և ՄԱԿ-ի Բնակչության հիմնադրամը՝ «Երիտասարդական նախաձեռնությունների կենտրոն» հասարակական կազմակերպության հետ:    

«GLOW»-ն միջազգային ծրագիր է, որը ստեղծվել է 1995 թվականին՝ որպես ԱՄՆ Խաղաղության կորպուսի կամավորների նախաձեռնություն։ 2015 թվականից ծրագրի իրականացումը Հայաստանում ստանձնել է «Երիտասարդական նախաձեռնությունների կենտրոն» հասարակական կազմակերպությունը։