ԱՆՎԱՆՈՒՄԸ՝ Global Word = Global Issues 

1-ԻՆ ՓՈՒԼ՝ Ուսումնական այց

ՎԱՅՐԸ՝ Օլոմուց, Չեխիա

ՕՐԵՐԸ՝ 30 հունվար – 05 փետրվար 2026 թ․  

2-ՐԴ ՓՈՒԼ՝ Դասընթաց

ՎԱՅՐԸ՝ Թբիլիսի, Վրաստան

ՕՐԵՐԸ՝ մայիս  2026 թ․ (օրերը ենթակա են հաստատման)

ԾՐԱԳՐԻ ՆՊԱՏԱԿՆ Է՝ բարելավել երիտասարդական աշխատողների կարողությունները՝ ներառական, գիտակից և որակյալ երիտասարդական աշխատանքի միջոցով արդյունավետորեն լուծելու սոցիալ-քաղաքական և այլ գլոբալ խնդիրներ, ինչպիսիք են անհավասարությունը, կլիմայական փոփոխությունները, միգրացիան և ժամանակակից աշխարհում տիրող հակամարտությունները։

ԾՐԱԳՐԻ ԽՆԴԻՐՆԵՐՆ ԵՆ՝ 

• Բարձրացնել երիտասարդական աշխատողների կարողությունները՝ երիտասարդների հետ իրենց աշխատանքում գլոբալ խնդիրները ներառելու համար՝ քննադատական ​​մտածողությունը և գաղափարների ու կարծիքների փոխանակումը խթանող գործունեության միջոցով;
• Հզորացնել երիտասարդական աշխատողներին՝ ստեղծելու անվտանգ և աջակցող միջավայրեր, որոնց օգնությամբ հնարավորություն կունենան անդրադառնալու այնպիսի հուզական թեմաների, ինչպիսիք են պատերազմները, ճգնաժամերը և հակամարտությունները;
• Աջակցել մասնակից կազմակերպություններին՝ մշակել գլոբալ խնդիրներին առնչվող գործողությունների պլաններ;
• Տեղական մակարդակում բարձրացնել երիտասարդական աշխատողների և երիտասարդների հետ աշխատող մասնագետների հետաքրքրությունը համայնքային խնդիրների և թեմաների նկատմամբ՝ ծրագրի մասնակիցների կողմից իրականացվող միջոցառումների միջոցով, որոնցում կներգրավվի առնվազն 15 երիտասարդական աշխատող։

ՄԱՍՆԱԿԻՑ ԵՐԿՐՆԵՐԸ՝ Հայաստան, Վրաստան, Ուկրաինա, Հյուսիսային Մակեդոնիա, Լեհաստան, Լատվիա և Չեխիա։ 

ՄԱՍՆԱԿԻՑՆԵՐ՝ 

• Հայաստանի թիմը  բաղկացած է լինելու 2 մասնակցից՝ (ամեն փուլի համար), որոնք պետք է լինեն առնվազն 20 տարեկան ակտիվ երիտասարդական աշխատողներ, երիտասարդ առաջնորդներ,  ուսուցանողներ, երիտասարդական կազմակերպությունների ներկայացուցիչներ։
• Մասնակիցներից պահանջվում է պարտաճանաչ կերպով մասնակցել ծրագրի նախապատրաստական աշխատանքներին, իսկ ծրագրային յուրաքանչյուր փուլից  հետո իրականացնել լոկալ աշխատարաններ՝ ներգրավելով համայնքում ակտիվ այլ երիտասարդական աշխատողների և մասնագետների։  
• 1-ին փուլի մասնակիցներին խրախուսվում է մասնակցել նաև 2-րդ փուլին, որը, սակայն, պարտադիր պայման չէ։ Միևնույն ժամանակ, ԵՆԿ ՀԿ-ն իրավասու է փոխել 2-րդ փուլի մասնակիցներին, եթե վերջիններս չեն համապատասխանում ծրագրի պահանջներին։ 
• Ընտրության գործընթացում առաջնահերթություն են ունենալու ԵՆԿ ՀԿ-ի անդամները:

ԾՐԱԳՐԻ ԱՇԽԱՏԱՆՔԱՅԻՆ ԼԵԶՈՒՆ՝ անգլերենն է, ուստի պահանջվում է  լեզվի միջինից բարձր իմացություն: 

ՖԻՆԱՆՍԱԿԱՆ ԵՎ ԱՅԼ ՊԱՅՄԱՆՆԵՐ

• Ծրագրի ընթացքում կազմակերպիչները հոգում են կեցության և սննդի ծախսերն ամբողջությամբ: 
• Հայաստանի մասնակիցների ճանապարհածախսի համար նախատեսված գումարը դեպի Չեխիա կազմում է 395 եվրո, որը կփոխհատուցվի ծրագրի ավարտից հետո՝ բանկային փոխանցմամբ։ Անհրաժեշտ է բոլոր ստացականները ներկայացնել կազմակերպիչներին։   
• Ճանապարհածախսի համար նախատեսված գումարը դեպի Վրաստան կազմում է 210 եվրո, որը կփոխհատուցվի ծրագրի ավարտից հետո՝ բանկային փոխանցմամբ։ Անհրաժեշտ է բոլոր ստացականները ներկայացնել կազմակերպիչներին։  
• Շենգենյան վիզայի վճարը և վիզայի հետ կապված ծախսերը ևս կփոխհատուցվի ծրագրի կողմից մինչև 35 եվրո։ Փոխհատուցումը կիրականացվի ճանապարհածախսի հետ միասին:

ՄԱՍՆԱԿՑՈՒԹՅԱՆ ՎՃԱՐ՝ 20 եվրո (յուրաքանչյուր ծրագրային փուլի համար)։

ԵՆԿ ՀԿ անդամները ազատված են մասնակցության վճարից:  

ԻՆՉՊԵՍ ԴԻՄԵԼ․ անհրաժեշտ է լրացնել առցանց հայտադիմումը՝ հետևյալ հղումով՝ https://docs.google.com/forms/d/e/1FAIpQLSfg-SF_uIfAFO5OGbS8kGxb6kby69NioXwrcvuYmPjmHzrdlA/viewform 

ԴԻՄԵԼՈՒ ՎԵՐՋՆԱԺԱՄԿԵՏՆ Է ս.թ. հոկտեմբերի 29-ը: 

Հավելյալ հարցերի դեպքում կարող եք դիմել Վալյա Մարտիրոսյանին mobilitywithyic@yic.am էլ. հասցեով կամ զանգահարել ԵՆԿ ՀԿ գրասենյակ 095 919197 հեռախոսահամարով (բացի շաբաթ և կիրակի օրերի):