ԷՐԱԶՄՈւՍ+ ՄԻՋԱԶԳԱՅԻՆ ԴԱՍԸՆԹԱՑ ԵՐԻՏԱՍԱՐԴԱԿԱՆ ԱՇԽԱՏԱՆՔՈՒՄ ՏՐԱՎՄԱՅԻ ԹԵՄԱՅՈՎ ԱՇԽԱՏԱՆՔԻ ՎԵՐԱԲԵՐՅԱԼ

ԱՆՎԱՆՈՒՄԸ՝ Trauma-informed approaches in youth work

ՎԱՅՐԸ՝ Վելետրի, Իտալիա

ՕՐԵՐԸ՝ 8-13 հունիս 2026 թ.

ԾՐԱԳՐԻ ՆՊԱՏԱԿԸ․ Ամրապնդել երիտասարդական աշխատողների կարողությունները՝ պատերազմներից տուժած երիտասարդներին ներառական և հոգեբանորեն անվտանգ աջակցություն ցուցաբերելու հարցում։

ԽՆԴԻՐՆԵՐԸ․

Նպաստել երիտասարդական աշխատանքի ավելի ներառական, կարեկցող և հոգեբանորեն անվտանգ միջավայրերի ձևավորմանը՝ երիտասարդական աշխատողներին տրամադրելով համապատասխան գիտելիքներ, հմտություններ և գործիքներ;
Բարձրացնել իրազեկվածությունը այն մասին, թե ինչպես է տրավման, հատկապես պատերազմի և տեղահանության պայմաններում, ազդում երիտասարդների հոգեբանական բարեկեցության, վարքագծի և առօրյա կյանքի վրա;
Երիտասարդական աշխատողներին ներկայացնել համապատասխան մեթոդներ՝ հարգալից, կարեկցող և արդյունավետ կերպով երիտասարդներին աջակցելու համար;
Զարգացնել երիտասարդական աշխատողների շրջանում գործնական հմտություններ՝ մասնագիտական սահմանները պահպանելու և ինքնախնամքի համար;
Նպաստել տրավմայի ազդեցությունը հաշվի առնող սկզբունքների ներառմանը ամենօրյա երիտասարդական աշխատանքում՝ խթանելով ներառական, չդատապարտող և վերականգնող միջավայրի ձևավորմանը, ինչպես նաև ուժեղացնել մասնակիցների կարողությունները՝ հանդես գալու որպես համակարգային փոփոխությունների ջատագովներ իրենց կազմակերպություններում և համայնքներում։

ՄԱՍՆԱԿԻՑՆԵՐԻ ՔԱՆԱԿ․ Հայաստանի թիմը բաղկացած է լինելու 2 մասնակցից։

ՄԱՍՆԱԿՑԻ ԲՆՈւԹԱԳԻՐ․ 21 տարեկանը լրացած երիտասարդական աշխատողներ, երիտասարդ առաջնորդներ, երիտասարդական ծրագրերի համակարգողներ, քոուչեր և մենթորներ, որոնք հետաքրքրված են ծրագրի թեմայով և պատրաստ են դասընթացից ստացած գիտելիքները կիրառել տեղեկան մակարդակում և իրականացնել ծրագրի մասին իրազեկող գործողություններ։

ԱՇԽԱՏԱՆՔԱՅԻՆ ԼԵԶՈՒ․ Մասնակիցներից պահանջվում է անգլերենի առնվազն միջին մակարդակի իմացություն և ազատ հաղորդակցության հմտություններ։

ՖԻՆԱՆՍԱԿԱՆ ԵՎ ԱՅԼ ՊԱՅՄԱՆՆԵՐ․

Ծրագրի ընթացքում կազմակերպիչները հոգում են կեցության և սննդի ծախսերն ամբողջությամբ;
Հայաստանի մասնակիցների ճանապարհածախսի համար նախատեսված գումարը կազմում է 395 եվրո, որը կփոխհատուցվի ծրագրի ավարտից հետո՝ բանկային փոխանցմամբ։ Անհրաժեշտ է բոլոր ստացականները ներկայացնել կազմակերպիչներին;
Վիզայի վճարը և վիզայի հետ կապված ծախսերը ևս կփոխհատուցվի ծրագրի կողմից։ Փոխհատուցումը կիրականացվի ճանապարհածախսի հետ;
Մասնակիցները պարտավորվում են ունենալ ճանապարհորդական ապահովագրություն։

ՄԱՍՆԱԿՑՈՒԹՅԱՆ ՎՃԱՐ․ 35 եվրո

ԵՆԿ ՀԿ անդամները ազատված են մասնակցության վճարից:

ԴԻՄՈՒՄ ՀԱՅՏ․ https://forms.gle/rRiq8nuZQmb94Meb8

ԴԻՄԵԼՈՒ ՎԵՐՋՆԱԺԱՄԿԵՏ․ 17 մարտ 2026 թ․

Հավելյալ հարցերի դեպքում կարող եք զանգահարել ԵՆԿ ՀԿ գրասենյակ` 095 919197 հեռախոսահամարով (բացի շաբաթ և կիրակի օրերի), կամ գրել mobilitywithyic@yic.am. էլ. հասցեին: