Աշխատարանի նպատակն էր աջակցել երիտասարդներին իրենց նպատակների սահմանման և մասնագիտական կողմնորոշման հարցում:

Աշխատարանն անցկացրին C.O.A.C.H. ծրագրի շրջանակներում Չեխիայում և Իտալիայում վերապատրաստված մասնակիցներ Էմիլյա Եգանյանը, Ռոզա Սիմոնյանը և Մարիամ Դարբինյանը:

Աշխատարանն անցկացվեց «Կենդանի գրադարան» ձևաչափով, որի ընթացքում տեղեկատվական տեխնոլոգիաների, անիմացիայի և երիտասարդական աշխատանքի ոլորտի ներկայացուցիչներ Արմո Միքայելյանը, Գայանե Հովհաննիսյանը և Մարիամ Հակոբյանը մասնակիցների հետ կիսվեցին իրենց փորձով և հաջողության պատմություններով:

Այնուհետև առաձին աշխատանքային խմբերով տեղի ունեցավ քոուչինգ, որի ընթացքում ամփոփվեցին «Կենդանի գրադարան» աշխատարանի արդյունքները և «Ուտոպիա» մեթոդի կիրառման միջոցով կատարվեց մասնագիտական կողմնորոշման ուղղորդում:

Գյումրու «Երիտասարդական նախաձեռնությունների կենտրոն» ՀԿ-ն (Հայաստան) «The Globe» (Չեխիա), «Associazione Culturale Strauss» (Իտալիա), «Coobra – cooperativa bracianti» (Ավստրիա) and «MITTETULUNDUSUHING NOORED UHISKONNA HEAKS» (Էստոնիա) կազմակերպությունների հետ համատեղ Էրազմուս+ ծրագրի «Համագործակցություն նորարարության և լավագույն փորձի փոխանակման համար՝ Ռազմավարական գործընկերություն երիտասարդության ոլորտում» Գործողություն 2 ծրագրի շրջանակներում իրականացնում է «C.O.A.C.H — Career Orientation Aimed at Community Happiness» երկարաժամկետ ծրագիրը: