ՀԱՍՏԻՔԻ ԱՆՎԱՆՈՒՄ՝ Հանրային կապերի պատասխանատու

ԱՇԽԱՏԱՆՔԱՅԻՆ ԳՐԱՖԻԿ ԵՎ ԱՇԽԱՏԱՆՔԻ ԾԱՎԱԼ՝ ամբողջ դրույք (շաբաթական 40 ժամ), 5-օրյա աշխատանքային գրաֆիկ (երկուշաբթիից ուրբաթ)

ԱՇԽԱՏԱՆՔԻ ՍԿԻԶԲ՝ 5 օգոստոս 2026 թ․ (3 ամիս վճարովի փորձաշրջանով)

ԱՇԽԱՏԱՆՔԻ ՎԱՅՐ՝ ք. Գյումրի, Ալեք Մանուկյան 26 (ԵՆԿ ՀԿ գրասենյակ)

ԱՆՄԻՋԱԿԱՆ ՂԵԿԱՎԱՐ՝ Կազմակերպության տնօրեն

ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐ

• Մշակել և իրականացնել Կազմակերպության հանրային կապերի ռազմավարությունից բխող տարեկան գործողությունների պլանը,
• Պատրաստել և խմբագրել Կազմակերպության տեղեկատվական և ներկայացուցչական նյութերը,
• Ապահովել Կազմակերպության ծրագրերի, նախաձեռնությունների և միջոցառումների հաղորդակցությունը, հանրային լուսաբանումը և տեղեկատվության տարածումը,
• Պատրաստել Կազմակերպության տարեկան հաշվետվությունը,
• Ապահովել Կազմակերպության պաշտոնական կայքէջի բովանդակության պարբերական թարմացումը,
• Ապահովել Կազմակերպության գործունեության լուսաբանումը և տեղեկատվության տարածումը սոցիալական ցանցերում (Facebook, LinkedIn, Instagram, YouTube),
• Ստեղծել, վարել և պարբերաբար թարմացնել ԶԼՄ-ների և գործընկեր կազմակերպությունների կոնտակտային բազան, ապահովել արդյունավետ համագործակցություն և մշտական կապ լրատվամիջոցների հետ,
• Պատրաստել և տարածել մամուլի հաղորդագրություններ, հայտարարություններ և այլ տեղեկատվական նյութեր,
• Ներկայացնել Կազմակերպությունը արտաքին միջոցառումներում, հանդիպումներում և հանրային հարթակներում,
• Մասնակցել աշխատակազմի ժողովներին,
• Ներկայացնել կատարած գործողությունների ամսական հաշվետվություն,
• Անհրաժեշտության դեպքում ստանձնել Կազմակերպության կանոնադրության սահմաններում այլ պարտականություններ:

ԱՆՀՐԱԺԵՇՏ ՈՐԱԿԱՎՈՐՈՒՄ ԵՎ ՊԱՅՄԱՆՆԵՐ

• Բարձրագույն կրթություն՝ լրագրության, հանրային կապերի, հաղորդակցության կամ հարակից ոլորտներում,
• Առնվազն 1 տարվա աշխատանքային փորձ հանրային կապերի, հաղորդակցության կամ հարակից ոլորտներում։ Հասարակական կազմակերպությունների ոլորտում, մասնավորապես երիտասարդական աշխատանքի և ոչ ֆորմալ կրթության փորձը կդիտվի առավելություն,
• Հայերենի գերազանց տիրապետում և անգլերենի լավ իմացություն։ Ռուսերենի իմացությունը կդիտվի առավելություն,
• Գերազանց հաղորդակցման, ներկայացման և հանրային խոսքի հմտություններ,
• Թիմային աշխատանքի և միջմշակութային հաղորդակցության հմտություններ,
• Սոցիալական ցանցերի կառավարման և բովանդակության ստեղծման գործիքներով աշխատելու հմտություններ,
• Համացանցային և թվային հաղորդակցման գործիքների գերազանց, ինչպես նաև MS Office փաթեթի լավ իմացություն,
• Գրաֆիկական բովանդակության ստեղծման և խմբագրման հմտություններ (օր.՝ Adobe Photoshop, Adobe Illustrator, Canva կամ համարժեք ծրագրեր)։

ԸՆՁԵՌՎՈՂ ՀՆԱՐԱՎՈՐՈՒԹՅՈՒՆՆԵՐ

• Մասնագիտական և աշխատանքային առաջխաղացում,
• Հայաստանում և արտերկրում վերապատրաստումներ,
• Պարգևավճարներ:

ԴԻՄԵԼՈՒ ԸՆԹԱՑԱԿԱՐԳ

Ներկայացված պահանջներին համապատասխանող թեկնածուները կարող են ուղարկել հայերեն ինքնակենսագրական և ուղեկցող նամակ hr@yic.am էլ-հասցեով՝ նամակի վերնագրում նշելով «Հանրային կապերի պատասխանատու_Անուն Ազգանուն»:

Ինքնակենսագրականը և ուղեկցող նամակը կարող եք նաև բերել Գյումրու
«Երիտասարդական նախաձեռնություների կենտրոն» ՀԿ-ի գրասենյակ` ք. Գյումրի, Ալեք Մանուկյան 26 հասցեով:

ԴԻՄԵԼՈՒ ՎԵՐՋՆԱԺԱՄԿԵՏՆ Է ՀՈՒԼԻՍԻ 9-Ը։

Պահանջներին բավարարող թեկնածուները կհրավիրվեն հարցազրույցի:

Հարցերի և մանրամասների համար կարող եք զանգահարել ԵՆԿ գրասենյակ (երկուշաբթիից ուրբաթ, ժամը 09:00-18:00) հետևյալ հեռախոսահամարով՝ 095 91 91 97: