«Երիտասարդական նախաձեռնությունների կենտրոն» հասարակական կազմակերպությունը հայտարարում է մրցույթ «Աշտարակի երիտասարդների տուն» բաց երիտասարդական կենտրոնի համակարգողի թափուր հաստիքի համար

ՀԱՍՏԻՔԻ ԱՆՎԱՆՈՒՄ՝ Կենտրոնի համակարգող

ԱՇԽԱՏԱՆՔԻ ԹԵՄԱՏԻԿ ՈԼՈՐՏ՝ Երիտասարդական աշխատանք, սոցիալական աշխատանք, երեխաների իրավունքներ

ՊԱՅՄԱՆԱԳԻՐ՝ աշխատանքային, անորոշ ժամկետով, 3 ամիս փորձաշրջան,

ԱՇԽԱՏԱՆՔԻ ՍԿԻԶԲԸ՝ Հոկտեմբերի 1, 2025 

ԱՇԽԱՏԱՆՔԻ ԳՐԱՖԻԿ՝ 5-օրյա (երեքշաբթիից շաբաթ), 40 ժամ շաբաթական

ԱՇԽԱՏԱՆՔԻ ՎԱՅՐԸ՝ Արագածոտնի մարզ, ք. Աշտարակ, Ն. Աշտարակեցու փողոց, շ. 80, «Աշտարակի երիտասարդների տուն» բաց երիտասարդական կենտրոն

ԱՆՄԻՋԱԿԱՆ ՂԵԿԱՎԱՐԸ՝ Կազմակերպության տնօրեն

ՀԱՍՏԻՔԻ ՆԿԱՐԱԳՐՈՒԹՅՈՒՆ` Կենտրոնի գործունեության և աշխատակազմի համակարգում և վերահսկում:

ԸՆՁԵՌՎՈՂ ՀՆԱՐԱՎՈՐՈՒԹՅՈՒՆՆԵՐ

• Մասնագիտական և աշխատանքային առաջխաղացում,
• Հայաստանում և արտերկրում վերապատրաստումներ:

ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐ

• Համակարգել կենտրոնի աշխատակազմի աշխատանքը ու անցկացնել աշխատակազմի ժողովներ,  
• Պլանավորել և կազմակերպել կենտրոնի ընթացիկ գործունեությանն անհրաժեշտ նյութերի, պարագաների գնումներ և վերանորոգումներ,
• Վերահսկել կենտրոնի գույքը, ռեսուրսները, կարգուկանոնը և մաքրությունը,
• Ապահովել կենտրոնում իրականացվող աշխատանքային գործընթացները, դրանց վերաբերող անհրաժեշտ փաստաթղթավարությունը և արխիվավորումը, 
• Ապահովել կենտրոնի գործողությունների տեսանելիությունը, 
• Հաստատել կապ գործընկեր կազմակերպությունների հետ,
• Ապահովել արտաքին ներկայացուցչություն,
• Մասնակցել Կազմակերպության աշխատակազմի ժողովներին,
• Ներկայացնել կատարած աշխատանքի ամսական հաշվետվություն անմիջական ղեկավարին, 
• Ծանոթանալ և հետևել Կազմակերպության ներքին կանոնակարգերին/ ընթացակարգերին,
• Անհրաժեշտության դեպքում ստանձնել կենտրոնի գործունեության և Կազմակերպության կանոնադրության սահմաններում այլ պարտականություններ:

ԱՆՀՐԱԺԵՇՏ ՈՐԱԿԱՎՈՐՈՒՄ ԵՎ ՊԱՅՄԱՆՆԵՐ

• Բարձրագույն կրթություն հանրային կառավարման, կրթության կառավարման կամ հարակից ոլորտներում,  
• Կրթության կամ սոցիալական ոլորտներում առնվազն երեք տարվա աշխատանքային փորձ,
• Ծրագրերի համակարգման կամ ղեկավարման առնվազն մեկ տարվա փորձ,
• Երիտասարդական և ոչ-ֆորմալ կրթության ոլորտներում փորձ,
• Երեխայի / երիտասարդի հոգեբանության մասին գիտելիքներ և զգայունություն, 
• Բյուջետավորման և ֆինանսական միջոցների ղեկավարման հմտություններ,
• Թիմում աշխատելու և թիմ ղեկավարելու հմտություններ,
• Պլանավորման և ժամանակի կառավարման հմտություններ, 
• Բարձր միջմշակութային հմտություններ,
• Բանակցելու և կոնֆլիկտների կառավարման հմտություններ,
• Հաղորդակցման և հանրային խոսքի հմտություններ,
• Հայերենի և անգլերենի գերազանց ու ռուսերենի բավարար իմացություն,
• Թվային գրագիտություն:

Դիմելու համար անհրաժեշտ է լրացնել առցանց գրանցման հայտը մինչև ս.թ. սեպտեմբերի 23-ը ներառյալ։ 

Աշխատողի աշխատանքային գրաֆիկը կազմվում է համաձայն կենտրոնի աշխատանքային ժամերի: