Մրցույթի առարկա․ «Աշխարհն առաջնորդող աղջիկները» կրթական ծրագրի համակարգող

Մրցույթի մասնակից․ Անհատ փորձագետ կամ իրավաբանական անձ

Պայմանագրի տեսակ․ Ծառայության մատուցում

Առաջադրանքի տևողություն․ 4 ամիս (հունիսի 1, 2025 թ․ – սեպտեմբերի 30, 2025 թ.)

Աշխատանքային օրերի քանակ․ 10 օր, (80 ժամ)

Ծրագրի նկարագիր․ «Երիտասարդական նախաձեռնությունների կենտրոն» (ԵՆԿ) հասարակական կազմակերպությունը «Երիտասարդները գործելիս.  Հայաստանում երիտասարդների զորեղացման և առաջնորդության խթանման» ծրագրի շրջանակներում հայտարարում է մցույթ «Աշխարհն առաջնորդող աղջիկները» կրթական ծրագրի համակարգողի համար. 

GLOW (աշխարհն առաջնորդող աղջիկները) ճամբարը նպատակ ունի Հայաստանի բոլոր մարզերում հզորացնել 13-15 տարեկան դեռահաս աղջիկներին՝ երկու 7-օրյա ԳԼՕ ճամբարների միջոցով: Ճամբարի առաջնային նպատակն է երիտասարդ աղջիկներին ապահովել հիմնական առաջնորդության հմտություններով՝ միաժամանակ ընդգծելով կանանց կարևոր դերը ղեկավար պաշտոններում: Փորձը հարստացնելու և երիտասարդների շրջանում առաջնորդության զարգացումը խրախուսելու համար 4 երիտասարդներ, որոնք նախկինում անցել են երիտասարդ համայնքային կազմակերպիչների կարողությունների զարգացման դասընթացը, յուրաքանչյուր փուլում կներգրավվեն որպես ճամբարի ջոկատավարներ:

Ճամբարի ընթացքում աղջիկները նաև կզարգացնեն իրենց սեփական զրոյական բյուջեով համայնքային հետ-ԳԼՕ նախագծերը՝ ԳԼՕ ծրագրերի նախագծման և ղեկավարման համակարգողի աջակցությամբ, ճամբարի ընթացքում և հետո: Ընթացքն ու արդյունքները կներկայացվեն սոցիալական ցանցերում։ Ճամբարների ավարտից հետո մասնակիցները երեք ամիս ժամանակ կունենան իրականացնելու իրենց հետ-ԳԼՕ համայնքային ծրագրերը:

Աշխատանքային պարտականությունները՝

• • Նախկին տարիների կրթական ծրագրերը թարմացնել, համապատասխանեցնել ներկա իրավիճակին,
  • Կրթական ծրագիրը ներկայացնել ջոկատավարներին, 
  • Ջոկատավարների հետ իրականացնել նախապատրաստական աշխատանքներ,
  • Իրականացնել դերաբաշխում կրթական ծրագրի անցկացման համար,
  • Պատրաստել և ներկայացնել անհրաժեշտ գրենական պարագաները,
  • Անհրաժեշտության դեպքում աջակցություն ցուցաբերել ջոկավարներին կրթական ծրագրի իրականացման գործում,
  • Վերահսկել կրթական ծրագրի որակյալ իրականացումը,
  • Անհրաժեշտության դեպքում աջակցել ճամբարին վերաբերվող այլ հարցերում,

• Մասնակցել ճամբարի աշխատակազմի ժողովներին,

Կարողություններ՝

• Երիտասարդների հետ աշխատանքի առնվազն 2 տարվա փորձ,
• Թիմի հետ աշխատելու կարողություն,
• Ճամբարների մասնկացության և կազմակերպման փորձ,
• Գերազանց վերլուծական և հաշվետվություններ գրելու, ներկայացնելու հմտություններ,
• Ոչ ֆորմալ ուսուցման փորձառություն,
• Նախկինում GLOW ճամբարի մասնակցությունը կդիտակվի որպես առավելություն,
• Հայերենի և անգլերենի գերազանց իմացություն,
• Համակարգչային գիտելիքներ. (MS Word Excel, PowerPoint; web applications)

Վճարում․

Ծառայության վճարումն իրականացվելու է ՀՀ դրամով՝ կատարողի կողմից ներկայացված օրական կատարված գործողությունների մասին վկայող թերթիկի (timesheet), իսկ իրավաբանական անձանց, անհատ ձեռնարկատերերի դեպքում՝ նշված փաստաթղթին ի հավելումն ներկայացված էլեկտրոնային հաշվարկային փաստաթղթի հիման վրա։

Ծառայության մեկ օրվա արժեքը կազմում է 140 եվրոյին համարժեք ՀՀ դրամ՝ ներառյալ ՀՀ օրենսդրությամբ սահմանված հարկերն ու վճարները։

Եվրո — ՀՀ դրամ փոխարժեքը կհաշվարկվի ծառայության մատուցման պայմանագրի կնքման պահին պատվիրատուի բանկում գործող փոխարժեքին համապատասխան:

Դիմելու կարգ․

Դիմելու համար պահանջներին համապատասխանող հավակնորդները պետք է youthinaction@yic.am էլեկտրոնային հասցեին ուղարկեն իրենց ինքնակենսագրականը և մոտիվացիոն նամակը։

Դիմումների ներկայացման վերջնաժամկետն է 2025 թ. մայիսի 26-ը, ժամը 18:00-ն:

Հայտերի գնահատում․ 

Հայտերի գնահատումը տեղի կունենա մինչև 2025 թվականի մայիսի 29-ը։ 

Կդիտարկվեն միայն սահմանված պահանջներին համապատասխանող դիմորդների դիմումները:

Նախնական ընտրությունն անցած հավակնորդների հետ կանցկացվի հարցազրույց — հանդիպում՝ տեսազանգի միջոցով:

Լրացուցիչ տեղեկությունների համար կարող եք կապ հաստատել կրթական ծրագրի համակարգող Ջուլիետա Սարգսյանի հետ՝ զանգահարելով +374 95 91 91 97 հեռախոսահամարին կամ գրելով youthinaction@yic.am էլեկտրոնային հասցեին:

ԵՆԿ հասարակական կազմակերպությունը հիմնվել է 2008 թվականին Գյումրիում՝ գործունեության հիմքում ունենալով երիտասարդական նախաձեռնությունների և ակտիվ մասնակցության խրախուսման միջոցով երիտասարդների քաղաքացիական ակտիվության բարձրացման ու համայնքի զարգացման գաղափարը։

«Երիտասարդները գործելիս. Հայաստանում երիտասարդների զորեղացման և առաջնորդության խթանման» ծրագիրը Եվրոպական միության և Կոնրադ Ադենաուեր հիմնադրամի կողմից ֆինանսավորվող նախաձեռնություն է, որն իրականացվում է Վորլդ Վիժն Հայաստանի, Մեդիա նախաձեռնությունների կենտրոնի և Գյումրու «Երիտասարդական նախաձեռնությունների կենտրոն»–ի հետ համատեղ:

Կոնրադ Ադենաուեր հիմնադրամի հայաստանյան մասնաճյուղը Վորլդ Վիժն Հայաստանի, Մեդիա նախաձեռնությունների կենտրոնի և Երիտասարդական նախաձեռնությունների կենտրոնի հետ համատեղ պատասխանատու է ծրագրի իրականացման համար։