ԱՌԱՋՆՈՐԴՈՒԹՅԱՆ ԱՌՑԱՆՑ ԴՊՐՈՑ

«Երիտասարդական նախաձեռնությունների կենտրոն» (ԵՆԿ) հասարակական կազմակերպությունը հրավիրում է Հայաստանի բոլոր մարզերի 13-25 տարեկան երիտասարդներին մասնակցելու «Առաջնորդության առցանց դպրոցի», որն իրականացվում է «Երիտասարդները գործելիս. Հայաստանում երիտասարդների զորեղացման և առաջնորդության խթանման» երկարաժամկետ ծրագրի շրջանակներում։

Փետրվարի 23-ին «Առաջնորդության առցանց դպրոցների» առաջին երկու հոսքերը հաջողությամբ ավարտվել են, և ծրագրի հաջորդ փուլում նախատեսվում է սկսել 3-րդ և 4-րդ հոսքերը:

Հանդիպումները նախատեսվում են հետևյալ օրերին՝

Երրորդ հոսք: Մարտի 15, 22 և 29
Չորրորդ հոսք: Մարտի 16, 23 և 30

Տևողությունը՝ 3 շաբաթ, շաբաթական մեկ առցանց հանդիպում և մինչև երկու ժամ անհատական աշխատանք:

Երրորդ հոսքի առցանց հանդիպումները կմեկնարկեն ժամը 12:00-ին, իսկ չորրորդ հոսքի հանդիպումները՝ ժամը 13։00-ին։ Երկու հոսքերի հանդիպումներն էլ կտևեն 4-5 ժամ՝ ընդմիջումներով: Առցանց հանդիպումների համար օգտագործվելու է ZOOM հարթակը:

ԾՐԱԳՐԻ ՄԱՆՐԱՄԱՍՆԵՐՆ ՈՒ ՊԱՅՄԱՆՆԵՐԸ.

Նախապես մշակված ծրագրով երեք հանդիպում-դասընթաց առաջնորդության և ծրագրերի մշակման ու կառավարման թեմաներով,
Անհատական աշխատանքների հանձնարարում՝ ստացված հմտությունները գործնականում կիրառելու համար,
Արցախից տեղահանված երիտասարդները կստանան մասնակցության առավելություն,
Մասնակիցները պարտավորվում են բոլոր դասերին ներկայանալ միացված տեսախցիկով։

ՄԱՍՆԱԿՑՈՒԹՅԱՆ ԱՌԱՎԵԼՈՒԹՅՈՒՆՆԵՐԸ․

Անձնական աճ, առաջնորդական հմտությունների բարելավում,
Ծրագրային գաղափարներ մշակելու հմտություններ և փորձ,
Մասնակցության վկայական՝ բոլոր դասերին ներկա լինելու պարագայում,
Սեսիաներից չբացակայելու և հանձնարարությունները պարտաճանաչ կերպով կատարելու դեպքում հնարավորություն մասնակցելու «Առաջնորդության լաբերի»՝ մեկ շաբաթ տևողությամբ առերես դասընթաց-հավաքի Հայաստանի բոլոր մարզերից ժամանած երիտասարդների համար։

Դիմելու համար՝ https://forms.gle/MdMFQTboztVGbyaK8

Վերջնաժամկետ՝ ս/թ մարտի 7, ժամը 14:00-ը:

Հավելյալ տեղեկությունների համար կամ հարցերի դեպքում կարող եք զանգահարել 095 91 91 97 հեռախոսահամարով կրթական բաղադրիչի համակարգող Ջուլիետա Սարգսյանին (երկուշաբթիից ուրբաթ, ժամը 10։00-ից մինչև 18։00) կամ գրել youthinaction@yic.am էլ․ հասցեին։

«Երիտասարդները գործելիս. Հայաստանում երիտասարդների զորեղացման և առաջնորդության խթանման» ծրագիրը Եվրոպական միության և Կոնրադ Ադենաուեր հիմնադրամի կողմից ֆինանսավորվող նախաձեռնություն է, որն իրականացվում է Վորլդ Վիժն Հայաստանի, Մեդիա նախաձեռնությունների կենտրոնի և Գյումրու «Երիտասարդական նախաձեռնությունների կենտրոն»–ի հետ համատեղ: