ՅՈՒՆԻՍԵՖ-ի հայաստանյան գրասենյակը  «Երիտասարդական նախաձեռնությունների կենտրոն» հասարակական կազմակերպության հետ՝  ԱՄՆ միջազգային զարգացման գործակալության աջակցությամբ իրականացնում է «Երիտասարդների հետ աշխատող հասարակական կազմակերպությունների և պետական հաստատությունների ներկայացուցիչների կարողությունների զարգացում» խորագրով եռօրյա վերապատրաստումների շարք:

Վերապատրաստումներն իրականացվում են «Երիտասարդական աշխատողների և տեղական կազմակերպությունների հիմնարար հմտությունների զարգացում» ծրագրի շրջանակներում, որի նպատակն է ձևավորել դեռահասների և երիտասարդների բազմազան կարիքներին ավելի արագ արձագանքող համայնքներ ինչպես արտակարգ իրավիճակների ժամանակ, այնպես էլ դրանցից հետո:

Եռօրյա վերապատրաստման թեմաներն ուղղված են հիմնարար հմտությունների զարգացմանը՝ ներառելով այնպիսի թեմաներ, ինչպիսիք են՝ երիտասարդական աշխատանք, ոչ ֆորմալ կրթություն, հոգեկան առողջություն և հաշմանդամություն ունեցող դեռահասների ու երիտասարդների սոցիալական ներառում։

Ովքե՞ր կարող են դիմել․ Երիտասարդների հետ աշխատող տեղական հասարակական կազմակերպությունների և պետական հաստատությունների ներկայացուցիչներ ՀՀ բոլոր մարզերից:

Վերապատրաստմանը մասնակցելու հնարավարություն կտրվի 105 մասնակիցների, ովքեր բաժանված կլինեն 4 խմբի։

Ե՞ՐԲ․ Վերապատրաստումների իրականացման ամսաթվեր․

Խումբ 1. 2024թ. մարտի 28-30

Խումբ 2. 2024թ. ապրիլի 1-3

Խումբ 3. 2024թ. ապրիլի 22-24

Խումբ 3. 2024թ. ապրիլի 29-մայիսի 1

*Ըստ խմբերի մասնակիցների վերջնական բաշխումը կիրականացվի կազմակերպիչների կողմից՝ հաշվի առնելով դիմորդների աշխարհագրությունը։

ՈՐՏԵ՞Ղ. Վերապատրաստման եռօրյա դասընթացների վայրը ենթակա է վերջնական հաստատման։

Մասնակիցները կհյուրընկալվեն երկտեղանոց, երեք տեղանոց սենյակներում։

* Մասնակցությունն անվճար է։ Մասնակիցների սննդի, կեցության և տրանսպորտային ծախսերը հոգում են կազմակերպիչները: 

** Վերապատրաստման եռօրյա դասընթացի մասնակիցներին կտրամադրվի մասնակցության հավաստագիր։

Վերապատրաստմանը մասնակցելու համար անհրաժեշտ է լրացնել առցանց գրանցման հայտը, որը ներկայացված է սույն հղման ներքո։

Գրանցվելու վերջնաժամկետն է մարտի 15-ը, ժամը` 18:00-ն:

Հարցերի և մանրամասների համար կարող եք կապ հաստատել վերապատրաստումների կազմակերպչական հարցերի պատասխանատու Ջուլիետա Սարգսյանի հետ julieta.sargsyan@yic.am էլ-հասցեով կամ 093 301 586 հեռախոսահամարով։

«Երիտասարդական աշխատողների և տեղական կազմակերպությունների հիմնարար հմտությունների զարգացում» ծրագիրն իրականացնում է ՅՈՒՆԻՍԵՖ-ի հայաստանյան գրասենյակը «Երիտասարդական նախաձեռնությունների կենտրոն» հասարակական կազմակերպության հետ՝  ԱՄՆ միջազգային զարգացման գործակալության աջակցությամբ:

Արտահայտված տեսակետները միմիայն հեղինակներինն են և պարտադիր չէ, որ արտահայտեն ԱՄՆ միջազգային զարգացման գործակալության կամ ԱՄՆ կառավարության տեսակետները: