ԱՆՎԱՆՈՒՄԸ՝  DigitAll

ՎԱՅՐԸ՝ Կաունաս, Լիտվա

ՕՐԵՐԸ՝ Սեպտեմբերի 4-12, 2023

ԾՐԱԳՐԻ ՆՊԱՏԱԿՆ Է՝ բարելավել երիտասարդների մեդիա գրագիտությունը և աջակցել վերջիններիս դառնալ մրցունակ աշխատաշուկայում՝ կիրառելով 21-րդ դարի թվային հմտությունները:

ԾՐԱԳՐԻ ԽՆԴԻՐՆԵՐՆ ԵՆ՝

• Օգտագործելով թվային հմտությունների տարբեր գործիքներ՝ աջակցել երիտասարդների զբաղվածությանը:
• Բարելավել մեդիա գրագիտությունը երիտասարդների շրջանում,
• Խթանել միջմշակութայնությունը:

Ծրագրի ընթացքում մասնակիցները կբացահայտեն թվային հմտությունները (Թվային մեդիա, ներկայացման գործիքներ, որոնման գործիքներ) զարգացնելու լավագույն հնարավորություններն ու ձևերը՝ օգտագործելով ոչ-ֆորմալ մեթոդներ, այդ թվում՝ դերային խաղեր, խմբային աշխատանք, պրեենտացիաներ, բանավեճեր և այլ վարժություններ:

ՄԱՍՆԱԿԻՑ ԵՐԿՐՆԵՐՆ ԵՆ՝ Հայաստան, Վրաստան, Ուկրաինա, Լատվիա, Լիտվա և Իսպանիա: 

ՄԱՍՆԱԿԻՑՆԵՐ՝ Հայաստանի թիմը  բաղկացած է լինելու 5 երիտասարդ մասնակցից և 1 թիմ լիդերից:

• Երիտասարդ մասնակիցները պետք է լինեն 18-25 տարեկան ակտիվ երիտասարդներ, ուսանողներ և կամավորներ, ովքեր հետաքրքրված են ծրագրի թեմայով և ցանկանում են սովորել, թե ինչպես ամրապնդել մասնագիտական գիտելիքները՝ առօրյա աշխատանքում տեղեկատվական տեխնոլոգիաների կիրառման միջոցով: Ծրագրին որպես երիտասարդ մասնակից դիմելու համար լրացրեք առցանց հայտադիմումն այստեղից։

• Թիմի լիդերը պետք է լինի առնվազն 21 տարեկան երիտասարդական առաջնորդ, երիտասարդական աշխատող, ով նախկինում ունեցել է ԵՆԿ միջազգային նախագծերին մասնակցելու փորձ: Ծրագրին որպես թիմ լիդեր դիմելու համար լրացրեք առցանց հայտադիմումն այստեղից։ 

ԾՐԱԳՐԻ ԱՇԽԱՏԱՆՔԱՅԻՆ ԼԵԶՈՒՆ անգլերենն է և մասնակիցների համար պահանջվում է լեզվի միջին իմացություն: Թիմ լիդերը պետք է ունենա անգլերենի իմացության բարձր մակարդակ:

ՖԻՆԱՆՍԱԿԱՆ ԵՎ ԱՅԼ ՊԱՅՄԱՆՆԵՐ

• Ծրագրի ընթացքում կազմակերպիչները հոգում են կեցության և սննդի ծախսերն ամբողջությամբ: 
• Հայաստանի մասնակիցների ճանապարհածախսի սահմանաչափը 360 եվրո է։ Փոխհատուցումը կիրականացվի ծրագրից հետո բանկային փոխանցմամբ՝ տոմսի ստացականները ներկայացնելու պայմանով: 
• Վիզայի վճարը և վիզայի հետ կապված ծախսերը ևս կփոխհատուցվի ծրագրի կողմից՝ ճանապարհածախսի հետ միասին:

ՄԱՍՆԱԿՑՈՒԹՅԱՆ ՎՃԱՐ՝ 35 եվրո

ԵՆԿ ՀԿ անդամները և ԵՆԿ ՀԿ-ի հետ համաձայնագրեր ունեցող կառույցների կողմից առաջադրված թեկնածուները ազատված են մասնակցության վճարից:  

ԴԻՄԵԼՈՒ ՎԵՐՋՆԱԺԱՄԿԵՏՆ Է ս.թ հուլիսի 14-ը, ժամը 23:59-ը: 

Հավելյալ հարցերի դեպքում կարող եք դիմել Վալյա Մարտիրոսյանին mobilitywithyic@yic.am էլ. հասցեով կամ զանգահարել ԵՆԿ ՀԿ գրասենյակ 095 919197 հեռախոսահամարով (բացի կիրակի և երկուշաբթի օրերի):