Գյումրու «Երիտասարդական նախաձեռնությունների կենտրոն» ՀԿ-ն, Հայաստանում «Erasmus+ երիտասարդություն» և «Եվրոպական համերաշխության կորպուս» ծրագրերի տեղեկատվական կենտրոնի և ՍԱԼՏՈ Արևելյան Եվրոպա և Կովկաս ռեսուրսային կենտրոնի հետ համատեղ, տոնելու է Կամավորների միջազգային օրը՝ իրականացնելով մի շարք միջոցառումներ:

Տոնին ընդառաջ անցկացվելու է մրցանակաբաշխություն (Award)՝ «Տարվա կամավոր» անվանակարգում: 

Ուստի, հրավիրում ենք բոլոր կազմակերպությունների ուշադրությունը՝ իրենց կամավորներին  վերոնշյալ անվանակարգում առաջադրելու համար:

Մրցանակաբաշխությանը կարող են մասնակցել Հայաստանում գործող կազմակերպությունների կողմից առաջադրված անձիք, ովքեր 2021 թվականի ընթացքում որևէ կամավորական աշխատանք/նախաձեռնություն են իրականացրել:

Յուրաքանչյուր կազմակերպություն կարող է առաջադրել մեկ թեկնածուի, ովքեր դեկտեմբերի 5-ին՝ Կամավորների միջազգային օրվա շրջանակներում, կպարգևատրվեն «Տարվա կամավոր» անվանակարգում:

Սույն ձևաթուղթը լրացվելու է կամավորին առաջադրող կազմակերպության կողմից՝ հետևյալ հղումով՝ 

Առաջադրված կամավորների հետ կապ կհաստատվի՝ մանրամասների և հետագա անելիքների կազմակերպման նպատակով:

Դիմելու վերջնաժամկետն է` նոյեմբերի 21-ը:

Միջոցառումն անցկացվելու է «Կամավորների միջազգային օր-2021» ծրագրի շրջանակներում՝ դեկտեմբերի 5-ին, Գյումրիում:

Հավելյալ հարցերի դեպքում կարող եք դիմել Մարիամ Ղարագյոզյանին mariam.gharagyozyan@yic.am էլ. հասցեով կամ զանգահարել ԵՆԿ ՀԿ գրասենյակ 095 91 91 97 հեռախոսահամարով (բացի կիրակի և երկուշաբթի օրերից):