Հրավիրում ենք 16-ից 23 տարեկան մարզաբնակ և Լեռնային Ղարաբաղից տեղահանված աղջիկների՝ որպես ջոկատավարներ ներգրավվելու «Աշխարհն առաջնորդող աղջիկները» (GLOW) ճամբարում, որը տեղի կունենա ս․թ․ օգոստոսի 15-ից 21-ը՝ Դիլիջանում։ 

Ճամբարի նպատակն է հզորացնել աղջիկներին և կրթության միջոցով խթանել առաջնորդությունը։ 

Ջոկատավարի պարտականությունները ներառում են ճամբարականների ներգրավվածության, անվտանգության և բարեկեցության ապահովումը ճամբարի ողջ ընթացքում: Ջոկատների ստեղծումից, խմբային աշխատանքներից, կրթական նյութերի ոչ-ֆորմալ ձևաչափով մատուցումից մինչև հանգստի ու ազատ ժամանակի կազմակերպում և առօրյայի վերահսկումը լինելու է ջոկատավարների պատասխանատվության ներքո՝ ճամբարի աշխատակազմի վերահսկողությամբ։ Ճամբարին հաջորդելու է ճամբարականների կողմից մշակված համայնքային ծրագրերի իրականացման փուլը, որի ընթացքում ջոկատավարները տրամադրելու են խորհրդատվություն և աջակցություն իրենց ջոկատներին՝ ծրագրերը կյանքի կոչելու համար։  

Ընտրված ջոկատավարները պարտավորվում են մասնակցել մեկօրյա վերապատրաստման դասընթացի Երևանում (հուլիսի վերջ կամ օգոստոսի սկիզբ): 

Դիմորդների 16 տարին պետք է լրացած լինի մինչև ճամբարի մեկնարկը։

ՄԱՆՐԱՄԱՍՆԵՐ ԵՎ ՊԱՅՄԱՆՆԵՐ

• Ջոկատավարների թիվը՝ 8,
• Ճամբարի տևողությունը՝  7 օր, 
• Ջոկատավարների կեցությունը, սնունդն ու տրանսպորտը ապահովվում է,
• Ջոկատավարները պարտավորվում են պատշաճ կերպով նախապատրաստվել ճամբարին՝ յուրացնելով տրամադրվող կրթական նյութերը  և մասնակցել մեկօրյա վերապատրաստման դասընթացին՝ Երևանում (կեցությունը, սնունդը և տրանսպորտը ապահովվում է),
• Ջոկատավարները պարտավորվում են ներգրավվել հետճամբարային փուլում որպես մենթորներ/խորհրդատուներ՝ աջակցելով ճամբարականներին իրենց համայնքային ծրագրերը իրականացնելու հարցում,
• Ջոկատավարների համար նախատեսվում է խրախուսական վճար։

Դիմելու համար անհրաժեշտ է լրացնել առցանց գրանցման հայտը մինչև ս․թ․ հուլիսի 18-ը, ժամը 12:00-ն։  

Լրացուցիչ  հարցերի դեպքում կարող եք.

• Զանգահարել 095 91 91 97 հեռախոսահամարով (երկուշաբթիից ուրբաթ, ժամը 09։00-ից մինչև 18։00)
• Նամակ ուղարկել armenianglow@gmail.com էլ․հասցեին,
• Այցելել ԵՆԿ ՀԿ գրասենյակ (ք. Գյումրի, Ալեք Մանուկյան 26):

Նախորդ տարիներին տեղի ունեցած GLOW ճամբարների մասին ավելի մանրամասն կարող եք տեսնել մեր ֆեյսբուքի և ինստագրամի էջերում։  

Ծրագիրն իրականացնում են ՅՈՒՆԻՍԵՖ-ի հայաստանյան գրասենյակը և ՄԱԿ-ի Բնակչության հիմնադրամը՝ «Երիտասարդական նախաձեռնությունների կենտրոն» հասարակական կազմակերպության հետ:    

«GLOW»-ն միջազգային ծրագիր է, որը ստեղծվել է 1995 թվականին՝ որպես ԱՄՆ Խաղաղության կորպուսի կամավորների նախաձեռնություն։ 2015 թվականից ծրագրի իրականացումը Հայաստանում ստանձնել է «Երիտասարդական նախաձեռնությունների կենտրոն» հասարակական կազմակերպությունը։