ՎԱՅՐԸ՝ Բարչիցե, Լեհաստան

ՕՐԵՐԸ՝ 25-31 մայիս 2025 թ․

ԾՐԱԳՐԻ ՆՊԱՏԱԿՆ Է՝ երիտասարդներին հաղորդել գիտելիքներ կլիմայական և բնապահպանական խնդիրների վերաբերյալ, սերմանել պատասխանատվություն և խթանել ներառականությունը։

ԾՐԱԳՐԻ ԽՆԴԻՐՆԵՐՆ ԵՆ՝

• Բնապահպանության և կլիմայական փոփոխությունների վերաբերյալ գիտելիքների և վիրտուալ հմտությունների զարգացում,
• Ներառականության խթանում` հնարավորություն ստեղծելով մասնակիցներին ինտեգրվելու և մասնակցելու հաշմանդամություն ունեցող անձանց նվիրված տոնակատարությանը,
• Համատեղ մշակութային ծրագրի պատրաստում և դրա ներկայացում տոնակատարության ընթացքում,
• Միջմշակութային հաղորդակցություն, համագործակցություն, լեզվական հմտությունների զարգացում և կարծրատիպերի կոտրում։

Ծրագիրը ներառում է ներառական միջոցառումներ, ինտերակտիվ և ոչ ֆորմալ վարժություններ, սպորտային խաղեր, ազգային մշակույթին նվիրված երեկոներ, քննարկումներ բնապահպանության և երիտասարդների ակտիվության մասին և այց Կրակով քաղաք։

Երկրներ՝ Հայաստան, Սլովակիա և Լեհաստան։

ՈՎՔԵՐ ԿԱՐՈՂ ԵՆ ՄԱՍՆԱԿՑԵԼ՝ Հայաստանի թիմը բաղկացած է լինելու 8 երիտասարդ մասնակցից (15-18 տարեկան) և 2 թիմ լիդերից (մեծահասակ)։

Առաջնահերթություն կտրվի «Երիտասարդական նախաձեռնությունների կենտրոն» ՀԿ-ի Գյումրու, Արթիկի, Գավառի, Արմավիրի և Էջմիածնի «Երիտասարդների տուն» բաց երիտասարդական կենտրոնների սաներին, ովքեր 2024-2025 թթ․ ընթացքում ցուցաբերել են ակտիվություն, ունեն բարձր հաճախելիություն, մասնակցել կամ հանդես են եկել նախաձեռնություններով։

ԾՐԱԳՐԻ ԱՇԽԱՏԱՆՔԱՅԻՆ ԼԵԶՈՒՆ անգլերենն է և երիտասարդ մասնակիցներից պահանջվում է լեզվի առնվազն բազային իմացություն։

ՖԻՆԱՆՍԱԿԱՆ ԵՎ ԱՅԼ ՊԱՅՄԱՆՆԵՐ

• Ծրագրի ընթացքում կազմակերպիչները հոգում են կեցության և սննդի ծախսերն ամբողջությամբ:
• Հայաստանի մասնակիցների ճանապարհածախսը կփոխհատուցվի 395 եվրոյի չափով։ Փոխհատուցումը կիրականացվի ծրագրից հետո՝ բանկային փոխանցմամբ: Եթե ավիատոմսի գումարը գերազանցում է 395 եվրոն, ապա մնացած գումարը ծածկում է մասնակիցը։
• Մասնակիցները պարտավորվում են ձեռք բերել ճանապարհորդական ապահովագրություն ծրագրի տևողության ընթացքում (արժեքը չի գերազանցում 5,000 ՀՀ դրամը)։
• Եթե լինեն վիզայի վճարներ, դրանք կփոխհատուցվեն ծրագրի կողմից՝ ճանապարհածախսի հետ միասին:
• Ընտրվելու դեպքում մասնակիցները պետք է ներկայացնեն երկու ծնողի/խնամակալի նոտարական վավերացմամբ համաձայնությունը վիզայի դիմելու գործընթացի ժամանակ։

ԾՐԱԳՐԻ ՄԱՍՆԱԿՑՈՒԹՅՈՒՆՆ ԱՆՎՃԱՐ Է «Երիտասարդական նախաձեռնությունների կենտրոն» ՀԿ-ի Գյումրու, Արթիկի, Գավառի, Արմավիրի և Էջմիածնի «Երիտասարդների տուն» բաց երիտասարդական կենտրոնների սաների համար։

ԻՆՉՊԵՍ ՄԱՍՆԱԿՑԵԼ․ ծրագրին կարող եք դիմել՝ լրացնելով առցանց հայտադիմումը։ Ընտրված մասնակիցները արդյունքների մասին կտեղեկանան էլեկտրոնային նամակով։

ԴԻՄԵԼՈՒ ՎԵՐՋՆԱԺԱՄԿԵՏՆ Է ս.թ ապրիլի 7-ը:

Հավելյալ հարցերի դեպքում կարող եք դիմել Ձեր համապատասխան կենտրոնի համակարգողին։