ԱՆՎԱՆՈՒՄԸ՝ Green Roots: Inspiring Young Europeans for more Sustainability in Rural Area

ՎԱՅՐԸ՝ Մոնտեչիլֆոնե, Մոլիզ, Իտալիա

ՕՐԵՐԸ՝ 4-12 նոյեմբերի 2024 թ․

ԾՐԱԳՐԻ ՆՊԱՏԱԿՆ Է՝ բարձրացնել իրազեկությունը կայունության, կանաչ բիզնեսի և առողջ մթերքի վերաբերյալ՝ նպատակ ունենալով կառուցել ավելի կանաչ ապրելակերպ և կիսվել գյուղական վայրերի համար նորարարական լուծումներով:

ԾՐԱԳՐԻ ԽՆԴԻՐՆԵՐՆ ԵՆ՝

• Կիսվել առողջապահության և տնային արտադրանքների մասին գիտելիքներով,
• Խթանել միջմշակութային հաղորդակցությունը և ԵՄ արժեքները,
• Հզորացնել գյուղական երիտասարդներին ավելի ներառական և կայուն հասարակություններ ստեղծելու գործում:

ՄԱՍՆԱԿԻՑ ԵՐԿՐՆԵՐԸ՝ Հայաստան, Իտալիա, Իսպանիա, Հունաստան։

ՄԱՍՆԱԿԻՑՆԵՐ՝ Հայաստանի թիմը  բաղկացած է լինելու 5 երիտասարդ մասնակցից և 1 թիմ լիդերից:

• Երիտասարդ մասնակիցները պետք է լինեն 18-25 տարեկան ակտիվ երիտասարդներ, կամավորներ և ուսանողներ, նախընտրելի է գյուղական բնակավայրերից, ովքեր հետաքրքրված են կայունության և կանաչ բիզնեսի թեմայով, պատրաստ են ուսումնասիրել ծրագրի թեման և ծրագրի ավարտից հետո կիսվել իրենց փորձով իրենց տեղական համայնքներում: Ընտրության փուլում առավելություն կտրվի ԵՆԿ ՀԿ անդամներին։ Որպես երիտասարդ մասնակից ծրագրին դիմելու համար անհրաժեշտ է լրացնել հետևյալ առցանց դիմում-հայտը։

• Թիմ-լիդերը պետք է լինի 22-30 տարեկան փորձառու և կազմակերպչական հմտություններով և ծրագրի թեմայով հետաքրքրված երիտասարդական առաջնորդ կամ երիտասարդական աշխատող։ Նախապատվությունը կտրվի ԵՆԿ միջազգային նախագծերին մասնակցած կամ ԵՆԿ անդամ հանդիսացող դիմորդներին։ Որպես թիմ լիդեր ծրագրին դիմելու համար անհրաժեշտ է լրացնել հետևյալ առցանց դիմում-հայտը։

ԾՐԱԳՐԻ ԱՇԽԱՏԱՆՔԱՅԻՆ ԼԵԶՈՒՆ՝ անգլերենն է և երիտասարդ մասնակիցների համար պահանջվում է լեզվի առնվազն միջին իմացություն: Թիմ լիդերը պետք է ունենա անգլերենի իմացության բարձր մակարդակ:

ՖԻՆԱՆՍԱԿԱՆ ԵՎ ԱՅԼ ՊԱՅՄԱՆՆԵՐ

• Ծրագրի ընթացքում կազմակերպիչները հոգում են կեցության և սննդի ծախսերն ամբողջությամբ:
• Հայաստանի մասնակիցների ճանապարհածախսի համար նախատեսված գումարը կազմում է 395 եվրո, որը կփոխհատուցվի ծրագրի ավարտից հետո՝ բանկային փոխանցմամբ։ Անհրաժեշտ է բոլոր ստացականները ներկայացնել կազմակերպիչներին։
• Վիզայի վճարը և վիզայի հետ կապված ծախսերը ևս կփոխհատուցվի ծրագրի կողմից մինչև 35 եվրո։ Փոխհատուցումը կիրականացվի ճանապարհածախսի հետ:

ՄԱՍՆԱԿՑՈՒԹՅԱՆ ՎՃԱՐ՝ 35 եվրո

ԵՆԿ ՀԿ անդամները ազատված են մասնակցության վճարից:

ԴԻՄԵԼՈՒ ՎԵՐՋՆԱԺԱՄԿԵՏՆ Է ս.թ. սեպտեմբերի 15-ը ։

Հավելյալ հարցերի դեպքում կարող եք դիմել Վալյա Մարտիրոսյանին mobilitywithyic@yic.am էլ. հասցեով կամ զանգահարել ԵՆԿ ՀԿ գրասենյակ 095 919197 հեռախոսահամարով (բացի շաբաթ և կիրակի օրերի):