«ԵՐԻՏԱՍԱՐԴՈՒԹՅԱՆ ՈԼՈՐՏԻ ԴԱՍԸՆԹԱՑԱՎԱՐՆԵՐԻ» ՄՐՑՈՒՅԹ

ՄՐՑՈՒՅԹԻ ԱՌԱՐԿԱ․ Երիտասարդության ոլորտի դասընթացավարներ

ՄՐՑՈՒՅԹԻ ՄԱՍՆԱԿԻՑ․ Անհատ փորձագետներ կամ իրավաբանական անձինք

ՊԱՅՄԱՆԱԳՐԻ ՏԵՍԱԿ․ Ծառայության մատուցում

ԱՌԱՋԱԴՐԱՆՔԻ ՏԵՎՈՂՈՒԹՅՈՒՆ․ 22.04.2025 — 22.05.2025

ԲՈԼՈՐ ԲԱՂԱԴՐԻՉՆԵՐԻ ՀԱՄԱՐ ԸՆԴՀԱՆՈՒՐ ԺԱՄԱՔԱՆԱԿ․ 48 (6 օր * 8 ժամ)

«Երիտասարդական նախաձեռնությունների կենտրոն» (ԵՆԿ) հասարակական կազմակերպությունը «ՍՕՍ-Մանկական Գյուղեր» հայկակական բարեգործական հիմնադրամի հետ համատեղ իրականացվող «Երիտասարդների հզորացում հանուն հաջողության» ծրագրի շրջանակներում հայտարարում է երիտասարդական ոլորտի դասընթացավարների մրցույթ։

Դասընթացներն անցկացվելու են տեղական հասարակական կազմակերպությունների ներկայացուցիչների համար՝ երիտասարդական աշխատանքի ներածություն, երիտասարդական քաղաքականություն և երիտասարդների մասնակցություն թեմաներով, Գյումրի և Իջևան քաղաքներում։

Աշխատանքային պարտականություններ՝

Մշակել դասընթացների մոդուլները և պատրաստել անհրաժեշտ ուսումնական նյութերը՝ համաձայն յուրաքանչյուր բաղադրիչի նպատակի և թիրախային խմբի,
Իրականացնել դասընթացները ոչ ֆորմալ ուսուցման մեթոդաբանությամբ և գործիքակազմով,
Աջակցել մասնակիցներին՝ ակտիվ դեր ստանձնել դասընթացի շրջանակներում և ապահովել ստացած գիտելիքների և հմտություների կիրառելիությունն իրենց համայնքներում և/կամ կազմակերպություններում,
Առաջարկել և կիրառել փոխանցված գիտելիքների և հմտությունների գնահատման արդյունավետ մեթոդներ,
Համագործակցել շահագրգիռ կողմերի, փորձագետների և այլ կազմակերպությունների հետ՝ որակյալ կրթական առաջարկներ ձևակերպելու համար,
Դասընթացի ավարտից հետո ներկայացնել համառոտ հաշվետվություն՝ ներառելով մասնակիցների առաջընթացի վերլուծությունը /ըստ նախա և հետաթեստերի/։
Սերտորեն համագործակցել ծրագրային թիմի հետ՝ ծրագրի տարբեր բաղադրիչների գործողությունների փոխլրացումն ապահովելու համար։

Պահանջվող կարողություններ՝

Դասընթացի թեմայի կամ թեմաների վերաբերյալ կուռ մասնագիտական գիտելիքներ,
Երիտասարդական կամ ՔՀԿ ոլորտում որպես դասընթացավար աշխատելու առնվազն 5 տարվա փորձ,
Ոչ ֆորմալ ուսուցման մեթոդաբանության և գործիքակազմի տիրապետում,
Մասնակիցների համար ներառական կրթական միջավայր ստեղծելու կարողություն,
Դասընթացի թեմայի վերաբերյալ ուսումնական ծրագրերի մշակման, իրականացման և գնահատման գործիքակազմի տիրապետում և փորձ,
Թիմի հետ աշխատելու կարողություն,
Հաղորդակցման գերազանց հմտություններ, ներառյալ բանավոր, գրավոր և միջանձնային հաղորդակցությունը,
Հայերենի գերազանց իմացություն,
Համակարգչային գիտելիքներ (MS Word, Excel, PowerPoint, web applications),
Տարբեր իրավիճակներում արագ կողմնորոշվելու ունակություն:

ՎՃԱՐՈՒՄ.

Ծառայության վճարումն իրականացվելու է ՀՀ դրամով՝ կատարողի կողմից ներկայացված օրական կատարված գործողությունների մասին վկայող թերթիկի (timesheet), իսկ իրավաբանական անձանց, անհատ ձեռնարկատերերի դեպքում՝ նշված փաստաթղթին ի հավելում ներկայացված էլեկտրոնային հաշվարկային փաստաթղթի հիման վրա։

ԴԻՄԵԼՈՒ ԿԱՐԳ․

Դիմելու համար պահանջներին համապատասխանող հավակնորդները պետք է ուղարկեն իրենց տեխնիկական և ֆինանսական առաջարկը, ինքնակենսագրականը և մոտիվացիոն նամակը margarit.grigoryan@yic.am էլեկտրոնային հասցեին, որը պետք է ներառի մրցույթի համար նշված կարողությունների վերաբերյալ հստակ տեղեկություններ և առցանց հղումներ:

Դիմումների ներկայացման վերջնաժամկետն է 2025 թ. ապրիլի 13-ը:

ՀԱՅՏԵՐԻ ԳՆԱՀԱՏՈՒՄ․

Հայտերի գնահատումը տեղի կունենա երկու փուլով.

Փուլ 1. Հայտերի տեխնիկական պահանջներին համապատասխանելիության ստուգում՝ 2025 թվականի ապրիլի 14:

Փուլ 2. Հարցազրույց՝ 2025 թվականի ապրիլի երկրորդ շաբաթ:

Կդիտարկվեն միայն սահմանված պահանջներին համապատասխանող դիմումները: Նախնական ընտրությունն անցած հավակնորդների հետ կանցկացվի հարցազրույց՝ առերես կամ տեսազանգի միջոցով:

Լրացուցիչ տեղեկությունների համար կարող եք կապ հաստատել ծրագրի համակարգող Մարգարիտ Գրիգորյանի հետ՝ գրելով margarit.grigoryan@yic.am էլեկտրոնային հասցեին կամ զանգահարելով ԵՆԿ ՀԿ գրասենյակ +374 95 91 91 97 հեռախոսահամարին (երկուշաբթիից ուրբաթ, ժամը 14։00-ից մինչև 18։00)։

«ՍՕՍ-Մանկական Գյուղեր» հայկական բարեգործական հիմնադրամը երեխայակենտրոն կազմակերպություն է, որը գործում է Հայաստանի Հանրապետությունում շուրջ 35 տարի։ Կազմակերպության առաքելությունն է ապահովել երեխայի և երիտասարդների ընտանիքում ապրելու իրավունքը և կանխարգելել մանկալքությունը:

ԵՆԿ ՀԿ-ն հիմնվել է 2008 թվականին Գյումրիում՝ գործունեության հիմքում ունենալով երիտասարդական նախաձեռնությունների և ակտիվ մասնակցության խրախուսման միջոցով երիտասարդների քաղաքացիական ակտիվության բարձրացման ու համայնքի զարգացման գաղափարը։