ԵՆԿ ՀՈՒՇԱԳԻՐ «ՍՊԻՏԱԿԻ ՀԵԼՍԻՆԿՅԱՆ ԽՈՒՄԲ» ՀԿ-Ի ՀԵՏ
Փետրվարի 1-ին Գյումրու «Երիտասարդական նախաձեռնությունների կենտրոն» հասարակական կազմակերպության և «Սպիտակի Հելսինկյան խումբ» իրավապաշտպան հասարակական կազմակերպության միջև ստորագրվեց փոխըմբռման հուշագիր «UPSHIFT Հայաստան» դեռահասների զարգացման և զորակցման պիլոտային ծրագրի շրջանակներում համագործակցության վերաբերյալ: Համաձայն փոխըմբռման հուշագրի՝ կողմերը միմյանց աջակցելու են Սպիտակ քաղաքի երկու դպրոցներում իրականացվող ծրագրային գործողությունների ընթացքում:
Փոխըմբռման հուշագիրը ստորագրել են Գյումրու «Երիտասարդական նախաձեռնությունների կենտրոն» ՀԿ-ի նախագահ Արթուր Նաջարյանը և «Սպիտակի Հելսինկյան խումբ» իրավապաշտպան հասարակական կազմակերպության նախագահ Աշխեն Բաբայանը:
*«UPSHIFT Հայաստան» դեռահասների զարգացման և զորակցման պիլոտային» ծրագիրը իրականացվում է ՅՈՒՆԻՍԵՖ-ի հայաստանյան գրասենյակի հետ համագործակցությամբ:
