ԿԱՄԱՎՈՐԱԿԱՆ ԱՇԽԱՏԱՆՔԻ ՀՆԱՐԱՎՈՐՈՒԹՅՈՒՆ «ԵՐԻՏԱՍԱՐԴՆԵՐԻ ՏՈՒՆ» ԲԱՑ ԵՐԻՏԱՍԱՐԴԱԿԱՆ ԿԵՆՏՐՈՆՈՒՄ

Գյումրու «Երիտասարդական նախաձեռնությունների կենտրոն» հասարակական կազմակերպությունը «Բաց երիտասարդական աշխատանք. Գյումրու երիտասարդների հզորացում» ծրագրի շրջանակներում հայտարարում է մրցույթ «Երիտասարդների տուն» բաց երիտասարդական կենտրոնի ընդունարանի աշխատակցի կամավորական աշխատանքի թափուր հաստիքի համար։

ՀԱՍՏԻՔԻ ԱՆՎԱՆՈՒՄ՝ Ընդունարանի աշխատակից

ԱՇԽԱՏԱՆՔԻ ՏԵՍԱԿԸ` Կամավոր (տրանսպորտային ծախսերի փոխհատուցմամբ)

ԱՇԽԱՏԱՆՔԻ ԾԱՎԱԼԸ՝ 5-օրյա, շաբաթական 20 ժամ (14:00-18:00)

ՏԵՎՈՂՈՒԹՅՈՒՆԸ՝ 3 ամիս

ԱՇԽԱՏԱՆՔԻ ՍԿԻԶԲԸ՝ Փետրվարի 15, 2018

ԱՇԽԱՏԱՆՔԻ ՎԱՅՐԸ՝ Գյումրու «Երիտասարդների տուն» բաց երիտասարդական կենտրոն (Վ. Սարգսյան 20, Գյումրի)

ԱՆՄԻՋԱԿԱՆ ՂԵԿԱՎԱՐԸ՝ Կենտրոնի համակարգող

ՀԱՍՏԻՔԻ ՆԿԱՐԱԳՐՈՒԹՅՈՒՆ` Կենտրոնի այցելուների դիմավորում, գրանցում և ուղղորդում

ՄԱՆՐԱՄԱՍՆ ՆԿԱՐԱԳՐՈՒԹՅՈՒՆԸ ԿԻՑ ՖԱՅԼՈՒՄ

ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐ

Պատասխանել հեռախոսազանգերին և տրամադրել առաջնային տեղեկատվություն,
Ընդունել, գրանցել և ուղղորդել կենտրոնի այցելուներին,
Հավաքագրել տեղեկատվություն տվյալների բազայի համար,
Կազմակերպել գրադարանից օգտվելու գործընթացը,
Աջակցել կենտրոնի վարչարարությանը,
Մասնակցել աշխատակազմի ժողովներին,
Ներկայացնել կատարած գործողությունների ամսական հաշվետվություն,
Ըստ անհրաժեշտության ստանձնել այլ պարտականություններ:

ԱՆՀՐԱԺԵՇՏ ՈՐԱԿԱՎՈՐՈՒՄ ԵՎ ՊԱՅՄԱՆՆԵՐ

Հաղորդակցման հմտություններ (բանավոր և գրավոր),
Պատանիների հետ աշխատելու նրբանկատություն և ցանկություն,
Լեզվական հմտություններ (հայերենի գերազանց իմացություն, անգլերենի իմացությունը կդիտվի առավելություն),
Տեխնիկական հմտություններ (համակարգչից և համացանցից օգտվելու հմտություններ, թվային տեխնոլոգիաներից և ժամանակակից սարքավորումներից օգտվելու կարողություն),
Ճշտապահության և պատասխանատվության բարձր հատկանիշներ,
Թիմում աշխատելու հմտություններ։

ԸՆՁԵՌՎՈՂ ՀՆԱՐԱՎՈՐՈՒԹՅՈՒՆՆԵՐ

Մասնագիտական և աշխատանքային առաջխաղացում,
Հայաստանում և արտերկրում վերապատրաստումներ։

ԴԻՄԵԼՈՒ ԸՆԹԱՑԱԿԱՐԳ

Ներկայացված պահանջներին համապատասխանող թեկնածուները կարող են մինչև փետրվարի 3-ը, ժամը 18:00-ն ուղարկել ինքնակենսագրականը youthhouse@yic.am էլ-հասցեին՝ նամակի վերնագրում նշելով «Ընդունարանի աշխատակից»:

Ինքնակենսագրականը կարող եք նաև բերել Գյումրու «Երիտասարդական նախաձեռնություների կենտրոն» ՀԿ-ի գրասենյակ` ք. Գյումրի, Շահումյան 69 (Արևամանուկ շենք, 1-ին հարկ) հասցեով: Պահանջներին բավարարող թեկնածուները կհրավիրվեն հարցազրույցի:

Հարցերի և մանրամասների համար զանգահարեք ԵՆԿ գրասենյակ (երեքշաբթիից շաբաթ, ժամը 10:00 — 18:00) հետևյալ հեռախոսահամարով՝ 095 91 91 97:

———————————

«Բաց երիտասարդական աշխատանք. Գյումրիում երիտասարդների հզորացում» ծրագիրը համաֆինանսավորվում է Եվրոպական միության կողմից և իրականացվում է ԵՄ կողմից ֆինանսավորվող «Աջակցություն ՀՀ քաղաքացիական հասարակության կազմակերպությունների կարողությունների հզորացմանը» ծրագրի փոքր դրամաշնորհային նախագծի շրջանակներում Գյումրու «Երիտասարդական նախաձեռնությունների կենտրոն» ՀԿ և «Հետազոտական ռեսուրսների կովկասյան կենտրոն — Հայաստան» հիմնադրամ կոնսորցիումի կողմից: