ԱԴՄԻՆԻՍՏՐԱՏԻՎ ՕԳՆԱԿԱՆԻ ԱՇԽԱՏԱՆՔԻ ՄՐՑՈՒՅԹԻ ՀՐԱՎԵՐ

ԿԱՌՈՒՅՑ

Գյումրու «Երիտասարդական նախաձեռնությունների կենտրոն» ՀԿ

ԴԻՄԵԼՈՒ ՎԵՐՋՆԱԺԱՄԿԵՏ

Ապրիլ 30, 2019թ.

ԱՇԽԱՏԱՆՔԻ ՍԿԻԶԲ

Մայիսի 15, 2019թ.

ԱՇԽԱՏԱՆՔԻ ԾԱՎԱԼ

5-օրյա, 40 ժամ շաբաթական

ՏԵՎՈՂՈՒԹՅՈՒՆԸ

Երկարաժամկետ (1 ամիս փորձաշրջանով)
ԱՆՄԻՋԱԿԱՆ ՂԵԿԱՎԱՐ

Գրասենյակի պատասխանատու

ՀԱՍՏԻՔԻ ՆԿԱՐԱԳՐՈՒԹՅՈՒՆ

Գրասենյակի առօրյա և ծրագրային ադմինիստրատիվ աշխատանքների իրականացում:

ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐ

Հետևել գրասենյակի էլ-փոստին և նամակները ուղղորդել համապատասխան աշխատակիցներին,
Պատասխանել հեռախոսազանգերին և տրամադրել առաջնային տեղեկատվություն,
Ընդունել, գրանցել և ուղղորդել գրասենյակի այցելուներին,
Լրացնել և թարմացնել կազմակերպության տվյալների բազաները,
Հավաքել, խմբագրել և թարգմանել էլեկտրոնային փաստաթղթերը,
Գրանցել աշխատակազմի՝ գրասենյակ մուտքի և ելքի ժամերը,
Մասնակցել աշխատակազմի ժողովներին,
Կազմակերպել աշխատակազմի և/կամ ծրագրերի մասնակիցների սուրճի և ճաշի ընդմիջումները,
Ներկայացնել կատարած գործողությունների ամսական հաշվետվություն,
Կատարել անդմինիստրատիվ օգնականի համար՝ իրականացվող ծրագրերով սահմանված այլ գործառույթներ,
Ըստ անհրաժեշտության ստանձնել Կազմակերպության կանոնադրության սահմաններում այլ պարտականություններ:

ԱՆՀՐԱԺԵՇՏ ՈՐԱԿԱՎՈՐՈՒՄ ԵՎ ՊԱՅՄԱՆՆԵՐ

Միջնակարգ մասնագիտական կամ թերի բարձրագույն կրթություն,
Առնվազն 1 տարվա աշխատանքի/ կամավորության փորձ (ՀԿ ոլորտում առկա փորձը կդիտվի առավելություն),
Հաղորդակցման հմտություններ (միջանձնային և գործնական բանավոր, գրավոր հաղորդակցություն),
Կազմակերպվածություն (առաջնահերթություններ սահմանելու կարողություն, գործողություններ պլանավորելու և իր աշխատանքին առնչվող իրավիճակներ կանխատեսելու ունակություն),
Լեզվական հմտություններ (հայերենի գերազանց և անգլերենի բավարար իմացություն, ռուսերենի իմացությունը կդիտվի առավելություն),
Տեխնիկական հմտություններ (համակարգչից և համացանցից օգտվելու գերազանց հմտություններ, թվային տեխնոլոգիաներից և ժամանակակից սարքավորումներից օգտվելու կարողություն),
Կարգապահություն (ժամանակի կառավարման, սահմանված ժամկետներում առաջադրանքներ կատարելու կարողություն),
Ճշտապահության և պատասխանատվության բարձր հատկանիշներ,
Ստեղծագործ թիմում աշխատելու հմտություններ,
Միջմշակութային միջավայրում աշխատելու կարողություն,
Անընդհատ սովորելու ձգտում,
Նախաձեռնողականություն,
Ոչ ստանդարտ իրավիճակներում արագ կողմնորոշվելու կարողություն,
Բանակցելու և կոնֆլիկտների հանգուցալուծման հմտություններ։

ԸՆՁԵՌՎՈՂ ՀՆԱՐԱՎՈՐՈՒԹՅՈՒՆՆԵՐ

Մասնագիտական և աշխատանքային առաջխաղացում,
Հայաստանում և արտերկրում վերապատրաստումներ,
Պարգևավճարներ։

ԴԻՄԵԼՈՒ ԸՆԹԱՑԱԿԱՐԳ

Ներկայացված պահանջներին համապատասխանող թեկնածուները կարող են մինչև 2019թ. ապրիլի 30-ը ժամը 18:00-ն ուղարկել ինքնակենսագրական և մոտիվացիոն նամակ hr@yic.am էլ-հասցեով՝ նամակի վերնագրում նշելով «Ադմինիստրատիվ օգնական»:

Ինքնակենսագրականը և մոտիվացիոն նամակը կարող եք նաև բերել Գյումրու «Երիտասարդական նախաձեռնություների կենտրոն» ՀԿ-ի գրասենյակ` ք. Գյումրի, Շահումյան 69 («Արևամանուկ» շենք, 1-ին հարկ) հասցեով երեքշաբթիից շաբաթ ժամը 10:00-ից 18:00-ն։

Պահանջները բավարարող թեկնածուները կհրավիրվեն հարցազրույցի: