«Երիտասարդական նախաձեռնությունների կենտրոն» (ԵՆԿ) հասարակական կազմակերպությունը «ՍՕՍ-Մանկական Գյուղեր» հայկակական բարեգործական հիմնադրամի հետ համատեղ իրականացվող «Երիտասարդների հզորացում հանուն հաջողության» ծրագրի շրջանակներում հայտարարում է Շիրակի և Տավուշի մարզերի հասարակական կազմակերպությունների կարողությունների զարգացման հնգափուլ դասընթացի մեկնարկը։

Դասընթացները կնպաստեն մասնակից կազմակերպությունների ոլորտային ներուժի զարգացմանը, այդ թվում` երիտասարդների  սոցիալ-տնտեսական  հզորացման,  երիտասարդական աշխատանքի, ծրագրերի նախագծման և կառավարման, ֆոնդհայթհայթման, հաղորդակցության և հանրային կապերի ուղղություններով:

Ի՞նչ սպասել դասընթացներից․

• Կյանքի հմտությունների և զբաղունակության վերաբերյալ համապարփակ տեղեկատվություն,
• Երիտասարդական տեղական քաղաքականության սկզբունքների և մշակման մասին իրազեկվածություն,
• Համայնքային երիտասարդական աշխատանքի հնարավոր մոդելների և առանձնահատկությունների մասին տեսական գիտելիքներ և կիրառելի հմտություններ,
• Ծրագրերի մշակման և կառավարման հմտություններ,
• Հաղորդակցության տեսակների և հանրային կապերի կառավարման առանձնահատկությունների վերաբերյալ կիրառելի հմտություններ,
• Երիտասարդական ոլորտի երկարամյա փորձառություն ունեցող մասնագետների կողմից մշակված ոչ ֆորմալ ուսուցման մեթոդաբանությամբ ու մոտեցումներով կրթական ծրագիր:

Ո՞վքեր կարող են դիմել․

• Գրանցված կազմակերպություններ, որոնք գործում են Տավուշի և Շիրակի մարզերում,
• Աշխատում են երիտասարդների զարգացման ուղղությամբ,
• Ունեն ծրագերի իրականացման փորձ (ցանկալի է)։

*Առավելություն կտրվի նորաստեղծ կազմակերպություններին։

Դասընթացի մասնակից կազմակերպությունները հնարավորություն կունենան դիմելու ծրագրի շրջանակներում տրամադրվող ենթադրամաշնորհներին։

Ե՞րբ․

• 1-ին փուլ՝ 4-օրյա դասընթաց, մարտի 25-ից 28-ը, Իջևան,  ապրիլի 2-ից 4-ը, Գյումրի,
• 2-րդ փուլ՝ 3-օրյա դասընթաց, ապրիլի 25-ից 27-ը, Գյումրի,  մայիսի 2-ից 4-ը Իջևան,
• 3-րդ փուլ՝ հունիս-հուլիս, 3-օրյա դասընթաց (օրերը կհստակեցվեն ավելի ուշ)
• 4-րդ փուլ՝ սեպտեմբեր-հոկտեմբեր, 3-օրյա դասընթաց (օրերը կհստակեցվեն ավելի ուշ)
• 5-րդ փուլ՝ 2026 թվական (ժամկետները կհաստակցեվեն ավելի ուշ)

Որտե՞ղ.

Վայրի հետ կապված տեղեկատվությունը կփոխանցվի ընտրված մասնակիցներին։

*Մասնակցությունն անվճար է։ Մասնակիցների սննդի, կեցության և տրանսպորտային ծախսերը հոգում են կազմակերպիչները:

**Դասընթացի մասնակիցներին կտրամադրվի մասնակցության հավաստագիր։

Դիմելու կարգը․

Դասընթացին մասնակցելու համար անհրաժեշտ է լրացնել առցանց գրանցման հայտը: Գրանցվելու վերջնաժամկետն է մարտի 22-ը, ներառյալ:

Հարցերի և մանրամասների դեպքում, կարող եք կապ հաստատել ծրագրի ղեկավար Մարգարիտա Գրիգորյանի հետ՝ գրելով margarit.grigoryan@yic.am էլեկտրոնային հասցեին, կամ զագելով ԵՆԿ ՀԿ գրասենյակ +374 95 91 91 97 հեռախոսահամարին (երկուշաբթիից ուրբաթ, ժամը 14։00-ից մինչև 18։00)։