«Հոգատարություն հանուն հավասարության» խորագրով ծնողավարման երկամսյա դասընթացներն իրականացվում են Գյումրու «Երիտասարդական նախաձեռնությունների կենտրոն» ՀԿ-ի և Վորլդ Վիժն Հայաստանի կողմից «ԵՄ–ն   հանուն  կանանց  և   տղամարդկանց իրավահավասարության» եռամյա ծրագրի շրջանակներում։ Ծրագիրը Եվրոպական միության ֆինանսավորմամբ իրականացնում են ՄԱԿ-ի Բնակչության հիմնադրամը և «ՄԱԿ Կանայք» կազմակերպությունը Արևելյան Եվրոպայի վեց երկրներում՝ Հայաստան, Ադրբեջան, Բելառուս, Վրաստան, Մոլդովա և Ուկրաինա։ Հայաստանում ծրագիրն իրականացվում է Շիրակի, Լոռու և Տավուշի մարզերում։

Դասընթացի նպատակ․

Նպաստել աղջիկների ու տղաների, կանանց և տղամարդկանց իրավահավասարության խթանմանը, երեխայի խնամքի ու ծնողավարման մեջ տղամարդկանց ներգրավվածության մեծացմանը, կանանց ու տղամարդկանց դերերի վերաբերյալ կարծրատիպերի փոփոխմանը։

Դասընթացի թեմաներ․

1․ Ներածություն: Ինչո՞ւ եմ այստեղ։

2․ Ի՞նչ է «գենդեր» կոչվածը։

3․ Ինչպե՞ս են ինքնարտահայտվում կանայք և տղամարդիկ։ Գենդերային «ակվարիում»։

4․ Օրվա ժամեր։ Առարկաներ, բույսեր, կենդանիներ և մարդիկ։

5․ Գենդերը և խաղալիքները։

6․ Հոր խնամք, Մոր խնամք։ Տղաների մասին հոգացող տղամարդիկ, աղջիկների մասին հոգացող տղամարդիկ։

7․ Իմ ծնողների ժառանգությունը։

8․ Ի՞նչ է բռնությունը։ Հղիության՝ պտղի սեռով պայմանավորված արհեստական ընդհատումը որպես գենդերային բռնության տեսակ։ Բռնություն։ Ի՞նչ եմ անում, երբ բարկացած եմ։

9․ Որքանո՞վ ես պատրաստ։ Սարդոստայնը։

Դասընթացի ձևաչափ․

Հանդիպումների ընթացքում թեմաները մատուցվելու են խմբային քննարկումների և ինտերակտիվ խաղերի միջոցով։

Նախատեսվում են նաև սուրճի, թեյի ընդմիջումներ և հյուրասիրություն։

Դասընթացի տևողություն․

Յուրաքանչյուր հանդիպման տևողությունը՝ 1,5-ից մինչև 2 ժամ։

Դասընթացի մասնակիցներ․

Դասընթացին կարող են մասնակցել Շիրակի մարզի 18-40 տարեկան երիտասարդ տղամարդիկ և կանայք, հայրիկներ և մայրիկներ:

Դասընթացի վայր․

Գյումրու «Ընտանիքի անկյուն» ռեսուրսային կենտրոն (Ալեք մանուկյան 26),
Վանաձորի «Ընտանիքի անկյուն» ռեսուրսային կենտրոն (Բաթումի 13),
Իջևանի «Ընտանիքի անկյուն» ռեսուրսային կենտրոն (Սահմաանդրության 1):