ԱՌԱՋՆՈՐԴՈՒԹՅԱՆ ԼԱԲԻ ՄԱՍՆԱԿԻՑՆԵՐԻ ՀԱՎԱՔԱԳՐՈՒՄ

Հրավիրում ենք Հայաստանի բոլոր մարզերից և Արցախից տեղահանված 16-ից 30 տարեկան երիտասարդների՝ մասնակցելու «Առաջնորդության Լաբ» ճամբար-դասընթացին, որը տեղի կունենա ս․թ․ օգոստոսի 20-ից 25-ը Աղվերանում։

Իսկ ի՞նչ է «Առաջնորդության Լաբ»-ը։ Ճամբար-դասընթացի նպատակն է խթանել ՀՀ բոլոր մարզերի 16-30 տարեկան երիտասարդների ներգրավվածությունն իրենց համայնքների տնտեսական, սոցիալական և մշակութային կյանքին՝ զարգացնելով կարողությունները տեղական ինքնակառավարման, մասնակցային կառավարման, հաղորդակցման, հավասար իրավունքների և հնարավորությունների ոլորտում։

Ճամբարի մոդելն ընդգրկում է ուսուցողական դասընթացներ, գործնական աշխատանքներ,

INSPIRO զրույցներ հաջողակ առաջնորդների և մասնագետների հետ, նորարարական գործիքներ և լի՜քը վարժություններ ու խաղեր։

Ճամբարականները նաև ձեռք կբերեն ծրագրեր մշակելու և կառավարելու գիտելիքներ և հմտություններ, որը կկարողանան կիրառել ճամբարից հետո 3 ամսվա ընթացքում` համայնքում իրականացնելով 0 բյուջեով նախաձեռնություն։

Ճամբարի հավաստագիր կստանան և շրջանավարտների ցանցի անդամ կկարողանան դառնալ այն մասնակիցները, ովքեր հաջողությամբ իրականացրել են իրենց նախաձեռնությունը համայնքում։

ՄԱՆՐԱՄԱՍՆԵՐ ԵՎ ՊԱՅՄԱՆՆԵՐ

Մասնակիցների թիվը՝ 30,
Տարիքը՝ 16-30 տարեկան,
Ճամբարի տևողությունը՝ 6 օր,
Մասնակցությունն անվճար է,
Մասնակիցների կեցությունը, սնունդն ու տրանսպորտը տրամադրվում է,
«Առաջնորդության առցանց դպրոցի» մասնակիցները կունենան առաջնահերթություն,
Ընտրված մասնակիցները պարտավորվում են ներգրավվել ծրագրի բոլոր փուլերում՝ մեկնարկից մինչև ավարտը։

Ճամբարին դիմելու համար անհրաժեշտ է լրացնել հետևյալ առցանց հայտը մինչև ս․թ․ օգոստոսի 11-ը։

Լրացուցիչ հարցերի դեպքում կարող եք.

Զանգահարել Երիտասարդական նախաձեռնությունների կենտրոնի գրասենյակ՝ 095 91 91 97 հեռախսահամարով (երկուշաբթիից ուրբաթ, ժամը 09։00-ից մինչև 18։00-ը),
Նամակ ուղարկել youthinaction@yic.am էլ․հասցեին,
Այցելել ԵՆԿ ՀԿ գրասենյակ (ք.Գյումրի, Ալեք Մանուկյան 26):

«Երիտասարդները գործելիս. Հայաստանում երիտասարդների զորեղացման և առաջնորդության խթանման» ծրագիրը Եվրոպական միության և Կոնրադ Ադենաուեր հիմնադրամի կողմից ֆինանսավորվող նախաձեռնություն է, որն իրականացվում է Վորլդ Վիժն Հայաստանի, Մեդիա նախաձեռնությունների կենտրոնի և Գյումրու «Երիտասարդական նախաձեռնությունների կենտրոն»–ի հետ համատեղ: