ԱՇԽԱՏԱՆՔԻ ՀՆԱՐԱՎՈՐՈՒԹՅՈՒՆ

Գյումրու «Երիտասարդական նախաձեռնությունների կենտրոն» հասարակական կազմակերպությունը «UPSHIFT ՍՊԻՏԱԿ» դեռահասների զարգացման և համայնքային ներգրավվածության խթանման ծրագրի շրջանակներում հայտարարում է մենթորների հավաքագրման մրցույթ։

ՀԱՍՏԻՔԻ ԱՆՎԱՆՈՒՄ՝ Մենթոր

ԱՇԽԱՏԱՆՔԻ ԹԵՄԱՏԻԿ ՈԼՈՐՏ՝ Երիտասարդական աշխատանք

ՊԱՅՄԱՆԱԳՐԻ ԺԱՄԿԵՏ՝ հունիս – սեպտեմբեր, 2021

ԱՇԽԱՏԱՆՔԻ ՍԿԻԶԲԸ՝ Հունիսի 1, 2021

ԱՇԽԱՏԱՆՔԻ ՎԱՅՐԸ՝ Լոռու մարզ, ք. Սպիտակ և հարակից համայնքներ

ԱՆՄԻՋԱԿԱՆ ՂԵԿԱՎԱՐԸ՝ Ծրագրի ղեկավար

ՄԵՆԹՈՐՆԵՐԻ ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐ

Աջակցել պատանիներին ծրագրի նախագծման և իրականացման փուլում,
Համակարգել թիմի աշխատանքը, տրամադրել անհրաժեշտ աջակցություն և խորհրդատվություն,
Պարբերաբար հանդիպել թիմի հետ ու մշտապես հասանելի լինել աջակցության և մենթորինգի համար (առերես և առցանց),
Ապահովել կապը թիմի ու կազմակերպության միջև,
Հասանելի լինել թիմի և կազմակերպության համար հունիս-հոկտեմբեր ամիսների միջակայքում, հունիսը՝ ամսական 20 ժամ, իսկ մյուս ամիսները՝ 40 ժամ ներգրավվածություն,
Կազմակերպությանը ներկայացնել թիմերի իրականացրած գործողությունների ամսական հաշվետվություններ։

ԱՆՀՐԱԺԵՇՏ ՈՐԱԿԱՎՈՐՈՒՄ ԵՎ ՊԱՅՄԱՆՆԵՐ

Կրթության, սոցիալական աշխատանքի կամ հարակից բնագավառներում բակալավրի աստիճան,
Առնվազն 1 տարվա աշխատանքային կամ կամավորության փորձ կրթական կամ սոցիալական հաստատություններում,
Գիտելիքներ երիտասարդական և ոչ-ֆորմալ կրթության ոլորտներում (փորձառությունը նախընտրելի է),
Երեխայի/ երիտասարդի հոգեբանության մասին գիտելիքներ և զգայունություն,
Ուղղոդելու և խորհրդատվություն տալու հմտություններ,
Թիմում աշխատելու հմտություններ
Բանակցելու և կոնֆլիկտների հանգուցալուծման հմտություններ,
Հաղորդակցման հմտություններ,
Համակարգչից և համացանցից օգտվելու գերազանց հմտություններ:

ԸՆՁԵՌՎՈՂ ՀՆԱՐԱՎՈՐՈՒԹՅՈՒՆՆԵՐ

Մասնագիտական և աշխատանքային առաջխաղացում,
Վերապատրաստումներ:

Մրցութային կարգով ընտրվելու են 5 մենթորներ, որոնք վերապատրաստում անցնելուց հետո կցվելու են դեռահասներից ձևավորված թիմերին՝ աջակցություն տրամադրելով դեռահասների կողմից առաջարկված ծրագրային գաղափարները մշակելուն և կյանքի կոչելուն:

ԴԻՄԵԼՈՒ ԸՆԹԱՑԱԿԱՐԳ

Ներկայացված պահանջներին համապատասխանող թեկնածուները կարող են մինչև մայիսի 20-ը, ժամը 18:00-ն ուղարկել ինքնակենսագրականը և մոտիվացիոն նամակը hr@yic.am էլ-հասցեով՝ նամակի վերնագրում նշելով` «Հաստիքի անվանում_անուն,ազգանուն»:

Պահանջներին բավարարող թեկնածուները կհրավիրվեն հարցազրույցի:

Տեխնիկական պահանջներին չհամապատասխանող հայտերը չեն դիտարկվի:

Հարցերի և մանրամասների համար կարող եք զանգահարել ԵՆԿ գրասենյակ (երեքշաբթիից շաբաթ, ժամը 10:00 – 18:00) հետևյալ հեռախոսահամարով՝ 095 91 91 97:

«UPSHIFT ՍՊԻՏԱԿ» դեռահասաների զարգացման և համայնքային ներգրավվածության խթանման ծրագիրն իրականացնում է Գյումրու «Երիտասարդական նախաձեռնությունների կենտրոն» ՀԿ-ն ՅՈՒՆԻՍԵՖ-ի հայաստանյան գրասենյակի հետ համատեղ Եվրոպական միության աջակցությամբ։

Գյումրու «Երիտասարդական նախաձեռնության կենտրոն» (ԵՆԿ) հասարակական կազմակերպությունը հիմնադրվել է 2008թ.-ին՝ մի խումբ արհեստավարժ,ստեղծագործական, նորարար և մոտիվացված երիտասարդների կողմից, ովքեր գիտակցում էին, որ Հայաստանի ուժեղ ապագան կերտելու ուղին երիտասարդներին ընտրության, իրենց նպատակներին հասնելու ու հասարակության լիիրավ անդամ դառնալու հնարավորությունների տրամադրումն է։ ԵՆԿ-ի առաքելությունն է նպաստել երիտասարդների կյանքի որակի բարձրացմանը` երիտասարդակենտրոն մոտեցմամբ: