ԱՇԽԱՏԱՆՔԻ ՀՆԱՐԱՎՈՐՈՒԹՅՈՒՆ «ԳՅՈՒՄՐՈՒ ԵՐԻՏԱՍԱՐԴՆԵՐԻ ՏՈՒՆ» ԲԱՑ ԵՐԻՏԱՍԱՐԴԱԿԱՆ ԿԵՆՏՐՈՆՈՒՄ

«Երիտասարդական նախաձեռնությունների կենտրոն» հասարակական կազմակերպությունը հայտարարում է մրցույթ «Գյումրու երիտասարդների տուն» բաց երիտասարդական կենտրոնի երիտասարդական աշխատողի թափուր հաստիքի համար

ՀԱՍՏԻՔԻ ԱՆՎԱՆՈՒՄ՝ Երիտասարդական աշխատող

ԱՇԽԱՏԱՆՔԻ ԹԵՄԱՏԻԿ ՈԼՈՐՏ՝ Երիտասարդական աշխատանք, սոցիալական աշխատանք, երեխաների իրավունքներ

ՊԱՅՄԱՆԱԳԻՐ՝ աշխատանքային, անորոշ ժամկետով, 3 ամիս փորձաշրջան

ԱՇԽԱՏԱՆՔԻ ՍԿԻԶԲԸ՝ Ապրիլի 1, 2024 թ․

ԱՇԽԱՏԱՆՔԻ ԳՐԱՖԻԿ՝ 5-օրյա, 40 ժամ շաբաթական

ԱՇԽԱՏԱՆՔԻ ՎԱՅՐԸ՝ ՀՀ, Շիրակի մարզ, ք. Գյումրի, փող․ Վ․ Սարգսյան 20, «Գյումրու երիտասարդների տուն» բաց երիտասարդական կենտրոն

ԱՆՄԻՋԱԿԱՆ ՂԵԿԱՎԱՐԸ՝ Կենտրոնի համակարգող

ՀԱՍՏԻՔԻ ՆԿԱՐԱԳՐՈՒԹՅՈՒՆ` Անհատական և խմբային երիտասարդական աշխատանք կենտրոնում ու կենտրոնի տարածքից դուրս:

ԸՆՁԵՌՎՈՂ ՀՆԱՐԱՎՈՐՈՒԹՅՈՒՆՆԵՐ

Մասնագիտական և աշխատանքային առաջխաղացում,
Հայաստանում և արտերկրում վերապատրաստումներ:

ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐ

Իրականացնել անհատական և խմբային երիտասարդական աշխատանք,
Կազմակերպել ու իրականացնել թեմատիկ աշխատարաններ և միջոցառումներ՝ կենտրոնի տարածքում և դրանից դուրս,
Տրամադրել անհատական խորհրդատվություն և ուղղորդում,
Իրականացնել շարժական երիտասարդական աշխատանք,
Իրականացնել աութրիչ աշխատանք,
Աջակցել կենտրոնի կամավորներին՝ իրականացնելու աշխատարաններ և ակումբներ,
Պահպանել կապը գործընկեր կազմակերպությունների և կրթական հաստատությունների հետ,
Պահպանել կենտրոնում իրականացվող աշխատանքային գործընթացները և դրանց վերաբերող անհրաժեշտ փաստաթղթերը,
Հավաքագրել և տրամադրել տեղեկատվություն տվյալների բազաների, կենտրոնի գործունեության գնահատման և տեսանելիության համար,
Մասնակցել կենտրոնի գործունեության տեսանելիության ապահովմանը,
Պահպանել կենտրոնի կարգուկանոնը և մաքրությունը, ապահովել գույքի բարվոք վիճակը,
Մասնակցել կենտրոնի աշխատակազմի ժողովներին,
Ներկայացնել կատարած աշխատանքի ամսական հաշվետվություն անմիջական ղեկավարին,
Ծանոթանալ և հետևել Կազմակերպության ներքին կանոնակարգերին/ ընթացակարգերին,
Անհրաժեշտության դեպքում ստանձնել Կենտրոնի գործունեության և Կազմակերպության կանոնադրության սահմաններում այլ պարտականություններ:

ԱՆՀՐԱԺԵՇՏ ՈՐԱԿԱՎՈՐՈՒՄ ԵՎ ՊԱՅՄԱՆՆԵՐ

Բարձրագույն կրթություն սոցիալական աշխատանքի կամ հարակից ոլորտներում,
Կրթության կամ սոցիալական ոլորտներում առնվազն մեկ տարվա աշխատանքային փորձ,
Երիտասարդական և ոչ ֆորմալ կրթության ոլորտներում գիտելիքներ և փորձ,
Երեխայի/երիտասարդի հոգեբանության մասին գիտելիքներ և զգայունություն,
Ուղղորդելու և խորհրդատվություն տալու հմտություններ,
Թիմում աշխատելու հմտություններ,
Կազմակերպչական հմտություններ,
Բանակցելու և կոնֆլիկտների կառավարման հմտություններ,
Հաղորդակցման և հանրային խոսքի հմտություններ,
Բարձր միջմշակութային հմտություններ,
Հայերենի գերազանց և անգլերենի ու ռուսերենի բավարար իմացություն,
Թվային գրագիտություն:

ԴԻՄԵԼՈՒ ԸՆԹԱՑԱԿԱՐԳ

Ներկայացված պահանջներին համապատասխանող թեկնածուները կարող են ուղարկել ինքնակենսագրականը և մոտիվացիոն նամակը hr@yic.am էլ-հասցեին՝ նամակի վերնագրում նշելով` «Երիտասարդական աշխատող_Գյումրի»:

Դիմելու վերջնաժամկետն է` ս․թ․ փետրվարի 19-ը, ժամը 24:00-ն։

Պահանջներին բավարարող թեկնածուները կհրավիրվեն հարցազրույցի: Տեխնիկական պահանջներին չհամապատասխանող հայտերը չեն դիտարկվի:

Հարցերի դեպքում կարող եք զանգահարել «Գյումրու երիտասարդների տուն» բաց երիտասարդական կենտրոն՝ 094 05 91 97 հեռախոսահամարով (երեքշաբթիից շաբաթ, ժամը 09:00-ից 18:00-ը) կենտրոնի համակարգող Լիլիթ Գևորգյանին։