ԱՇԽԱՏԱՆՔԻ ՀՆԱՐԱՎՈՐՈՒԹՅՈՒՆ ԱՐՄԱՎԻՐՈՒՄ ԵՎ ԷՋՄԻԱԾՆՈՒՄ

Գյումրու «Երիտասարդական նախաձեռնությունների կենտրոն» հասարակական կազմակերպությունը հայտարարում է մրցույթ «Արմավիրի երիտասարդների տուն» և «Էջմիածնի երիտասարդների տուն» բաց երիտասարդական կենտրոնների համակարգողների թափուր հաստիքների համար։

ՀԱՍՏԻՔԻ ԱՆՎԱՆՈՒՄ՝ Կենտրոնի համակարգող

ԱՇԽԱՏԱՆՔԻ ԹԵՄԱՏԻԿ ՈԼՈՐՏ՝ Երիտասարդական աշխատանք, սոցիալական աշխատանք, երեխաների իրավունքներ

ԱՇԽԱՏԱՆՔԻ ԳՐԱՖԻԿ՝ 5-օրյա, 40 ժամ շաբաթական

ԱՇԽԱՏԱՆՔԻ ՍԿԻԶԲԸ՝ Մարտի 5, 2022 (անժամկետ, 3 ամիս վճարվող փորձաշրջանով)

ԱՇԽԱՏԱՆՔԻ ՎԱՅՐԸ՝ Արմավիրի մարզ, ք. Արմավիր, «Արմավիրի երիտասարդների տուն» բաց երիտասարդական կենտրոն,

Արմավիրի մարզ, ք.Էջմիածին, «Էջմիածնի երիտասարդների տուն» բաց երիտասարդական կենտրոն

ԱՆՄԻՋԱԿԱՆ ՂԵԿԱՎԱՐԸ՝ Ծրագրի ղեկավար

ՀԱՍՏԻՔԻ ՆԿԱՐԱԳՐՈՒԹՅՈՒՆ` Կենտրոնի գործունեության և աշխատակազմի համակարգում ու վերահսկում:

ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐ

Համակարգել կենտրոնի աշխատակազմի աշխատանքը ու անցկացնել աշխատակազմի ժողովներ,
Պլանավորել և կազմակերպել կենտրոնի ընթացիկ գործունեությանն անհրաժեշտ նյութերի, պարագաների գնումներ և վերանորոգումներ,
Վերահսկել կենտրոնի գույքը, ռեսուրսները, կարգուկանոնը և մաքրությունը,
Ապահովել կենտրոնում իրականացվող աշխատանքային գործընթացները, դրանց վերաբերող անհրաժեշտ փաստաթղթավարությունը և արխիվավորումը,
Ապահովել կենտրոնի գործողությունների տեսանելիությունը,
Հաստատել կապ գործընկեր կազմակերպությունների,
Ապահովել արտաքին ներկայացուցչություն,
Մասնակցել Կազմակերպության աշխատակազմի ժողովներին,
Ներկայացնել կատարած աշխատանքի ամսական հաշվետվություն անմիջական ղեկավարին,
Ծանոթանալ և հետևել Կազմակերպության ներքին կանոնակարգերին/ ընթացակարգերին,
Անհրաժեշտության դեպքում ստանձնել կենտրոնի գործունեության և Կազմակերպության կանոնադրության սահմաններում այլ պարտականություններ:

ԱՆՀՐԱԺԵՇՏ ՈՐԱԿԱՎՈՐՈՒՄ ԵՎ ՊԱՅՄԱՆՆԵՐ

Բարձրագույն կրթություն հանրային կառավարման, կրթության կառավարման կամ հարակից ոլորտներում,
Կրթության կամ սոցիալական ոլորտներում առնվազն երեք տարվա աշխատանքային փորձ,
Ծրագրերի համակարգման կամ ղեկավարման առնվազն մեկ տարվա փորձ,
Երիտասարդական և ոչ-ֆորմալ կրթության ոլորտներում փորձ,
Երեխայի / երիտասարդի հոգեբանության մասին գիտելիքներ և զգայունություն,
Բյուջետավորման և ֆինանսական միջոցների ղեկավարման հմտություններ,
Թիմում աշխատելու և թիմ ղեկավարելու հմտություններ,
Պլանավորման և ժամանակի կառավարման հմտություններ,
Բարձր միջմշակութային հմտություններ,
Բանակցելու և կոնֆլիկտների կառավարման հմտություններ,
Հաղորդակցման և հանրային խոսքի հմտություններ,

Հայերենի և անգլերենի գերազանց ու ռուսերենի բավարար իմացություն,
Թվային գրագիտություն:

ԸՆՁԵՌՎՈՂ ՀՆԱՐԱՎՈՐՈՒԹՅՈՒՆՆԵՐ

Մասնագիտական և աշխատանքային առաջխաղացում,
Հայաստանում և արտերկրում վերապատրաստումներ:

Աշխատողի աշխատանքային գրաֆիկը կազմվում է համաձայն կենտրոնի աշխատանքային ժամերի:

ԴԻՄԵԼՈՒ ԸՆԹԱՑԱԿԱՐԳ

Ներկայացված պահանջներին համապատասխանող թեկնածուները կարող են մինչև մարտի 1-ը, ժամը 20։00-ն ուղարկել ինքնակենսագրականը և մոտիվացիոն նամակը hr@yic.am էլ–հասցեով՝ նամակի վերնագրում նշելով` «Քաղաք_Հաստիքի անվանում_Անուն,ազգանուն» (օրինակ՝ «Էջմիածին_Կենտրոնի համակարգող _Հակոբ Հակոբյան»):

Պահանջներին բավարարող թեկնածուները կհրավիրվեն հարցազրույցի:

Տեխնիկական պահանջներին չհամապատասխանող հայտերը չեն դիտարկվի:

Հարցերի և մանրամասների համար կարող եք զանգահարել ԵՆԿ գրասենյակ (երեքշաբթիից շաբաթ, ժամը 10:00 – 18:00) հետևյալ հեռախոսահամարով՝ 095 91 91 97:

«Արմավիրի երիտասարդների տուն» և «Էջմիածնի երիտասարդների տուն» բաց երիտասարդական կենտրոնների ծրագիրը իրականացվում է Յունիսեֆի հայաստանյան գրասենյակի և Արմավիրի ու Էջմիածնի համայնքապետարանների հետ համագործակցությամբ:

Գյումրու «Երիտասարդական նախաձեռնությունների կենտրոն» հասարակական կազմակերպությունը (ԵՆԿ) տեղական և միջազգային երիտասարդական աշխատանքի բնագավառում փորձ ունեցող և այդ ոլորտում ճանաչված մի խումբ երիտասարդների կողմից 2008թ.-ին հիմնադրված հասարակական կազմակերպություն է: ԵՆԿ–ի առաքելությունն է նպաստել երիտասարդների կյանքի որակի բարձրացմանը` երիտասարդակենտրոն մոտեցմամբ: