«Երիտասարդական նախաձեռնությունների կենտրոն» հասարակական կազմակերպությունը հայտարարում է մրցույթ «Արմավիրի երիտասարդների տուն» բաց երիտասարդական կենտրոնի երիտասարդական աշխատողի փոխարինողի թափուր հաստիքի համար։

ՀԱՍՏԻՔԻ ԱՆՎԱՆՈՒՄ՝ Երիտասարդական աշխատողի փոխարինող

ԱՇԽԱՏԱՆՔԻ ԹԵՄԱՏԻԿ ՈԼՈՐՏ՝ Երիտասարդական աշխատանք, սոցիալական աշխատանք, երեխաների իրավունքներ

ԱՇԽԱՏԱՆՔԻ ԳՐԱՖԻԿ՝ 5-օրյա, 40 ժամ շաբաթական

ԱՇԽԱՏԱՆՔԻ ՍԿԻԶԲԸ՝ 3 հունվարի 2024թ․ 6 ամիս ժամկետով՝ երկարաձգման հնարավորությամբ (3 ամիս փորձաշրջամով)

ԱՇԽԱՏԱՆՔԻ ՎԱՅՐԸ՝ «Արմավիրի երիտասարդների տուն» բաց երիտասարդական կենտրոն (Ջիվանի 40, ք․ Արմավիրի)

ԱՆՄԻՋԱԿԱՆ ՂԵԿԱՎԱՐԸ՝ Կենտրոնի համակարգող

ՀԱՍՏԻՔԻ ՆԿԱՐԱԳՐՈՒԹՅՈՒՆ` Անհատական և խմբային երիտասարդական աշխատանք կենտրոնում ու կենտրոնի տարածքից դուրս:

ԸՆՁԵՌՎՈՂ ՀՆԱՐԱՎՈՐՈՒԹՅՈՒՆՆԵՐ՝ Մասնագիտական և աշխատանքային առաջխաղացում, Հայաստանում և արտերկրում վերապատրաստումներ:

ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐ

• Իրականացնել անհատական և խմբային երիտասարդական աշխատանք,
• Կազմակերպել և իրականացնել թեմատիկ աշխատարաններ և միջոցառումներ՝ կենտրոնի տարածքում և դրանից դուրս,
• Տրամադրել անհատական խորհրդատվություն և ուղղորդում,
• Իրականացնել շարժական երիտասարդական աշխատանք,
• Իրականացնել աութրիչ աշխատանք,
• Աջակցել կենտրոնի կամավորներին՝ իրականացնելու աշխատարաններ և ակումբներ,
• Պահպանել կապը գործընկեր կազմակերպությունների և կրթական հաստատությունների հետ,
• Պահպանել կենտրոնում իրականացվող աշխատանքային գործընթացները և դրանց վերաբերող անհրաժեշտ փաստաթղթերը,
• Հավաքագրել և տրամադրել տեղեկատվություն տվյալների բազաների, կենտրոնի գործունեության գնահատման և տեսանելիության համար,
• Մասնակցել կենտրոնի գործունեության տեսանելիության ապահովմանը,
• Պահպանել կենտրոնի կարգուկանոնը և մաքրությունը, ապահովել գույքի բարվոք վիճակը,
• Մասնակցել կենտրոնի աշխատակազմի ժողովներին,
• Ներկայացնել կատարած աշխատանքի ամսական հաշվետվություն անմիջական ղեկավարին,
• Ծանոթանալ և հետևել Կազմակերպության ներքին կանոնակարգերին/ ընթացակարգերին,
• Անհրաժեշտության դեպքում ստանձնել կենտրոնի գործունեության և Կազմակերպության կանոնադրության սահմաններում այլ պարտականություններ:

ԱՆՀՐԱԺԵՇՏ ՈՐԱԿԱՎՈՐՈՒՄ ԵՎ ՊԱՅՄԱՆՆԵՐ

• Բարձրագույն կրթություն սոցիալական աշխատանքի կամ հարակից ոլորտներում,
• Կրթության կամ սոցիալական ոլորտներում առնվազն մեկ տարվա աշխատանքային փորձ,
• Երիտասարդական և ոչ-ֆորմալ կրթության ոլորտներում գիտելիքներ և փորձ,
• Երեխայի / երիտասարդի հոգեբանության մասին գիտելիքներ և զգայունություն,
• Ուղղորդելու և խորհրդատվություն տալու հմտություններ,
• Թիմում աշխատելու հմտություններ,
• Կազմակերպչական հմտություններ,
• Բանակցելու և կոնֆլիկտների կառավարման հմտություններ, Հաղորդակցման և հանրային խոսքի հմտություններ,
• Բարձր միջմշակութային հմտություններ,
• Հայերենի գերազանց և անգլերենի ու ռուսերենի բավարար իմացություն,
• Թվային գրագիտություն:

ԴԻՄԵԼՈՒ ԸՆԹԱՑԱԿԱՐԳ՝ Ներկայացված պահանջներին համապատասխանող թեկնածուները կարող են մինչև ս․թ․ նոյեմբերի 30-ն ուղարկել ինքնակենսագրական և շարժառիթային նամակ hr@yic.am էլ. հասցեին՝ նամակի վերնագրում նշելով` «Երիտասարդական աշխատող_Արմավիր»:

Պահանջներին բավարարող թեկնածուները կհրավիրվեն հարցազրույցի: Տեխնիկական պահանջներին չհամապատասխանող հայտերը չեն դիտարկվի: