«Երիտասարդական նախաձեռնությունների կենտրոն» հասարակական կազմակերպությունը, «Երիտասարդների ձայնը հանուն ժողովրդավարության» ծրագրի շրջանակում, հրավիրում է Հայաստանի բոլոր մարզերից և Երևանից երիտասարդական աշխատողների մասնակցելու «Երիտասարդները և ընտրությունները» խորագրով եռօրյա վերապատրաստման։

ԾՐԱԳՐԻ ՆՊԱՏԱԿԸ
Վերապատրաստումը միտված է՝

• բարելավելու երիտասարդական աշխատողների կարողությունները՝ երիտասարդների հետ ընտրական կրթություն իրականացնելու համար։
• զարգացնելու նրանց հմտությունները՝ երիտասարդների տեղեկացված և ակտիվ մասնակցությունը ժողովրդավարական գործընթացներին խթանելու ուղղությամբ։
• տրամադրելու գործնական գործիքներ և մեթոդներ՝ համայնքներում արդյունավետ իրազեկման և ներգրավման աշխատանքներ իրականացնելու համար։

ԻՆՉ ԿՍՏԱՆԱՆ ՄԱՍՆԱԿԻՑՆԵՐԸ
Վերապատրաստման արդյունքում մասնակիցները ձեռք կբերեն՝

• ընտրական համակարգերի և քվեարկության գործընթացների վերաբերյալ հիմնարար գիտելիքներ։
• երիտասարդների ներգրավման արդյունավետ մեխանիզմներ կիրառելու հմտություններ։
• կարողություններ՝ իրականացնելու ընտրական կրթություն և խթանելու երիտասարդների մասնակցությունը։
• հմտություններ՝ պարզ և հասանելի ձևով ներկայացնելու ընտրական իրավունքներն ու պարտականությունները։
• փորձ՝ համայնքներում իրազեկման և մասնակցային նախաձեռնություններ իրականացնելու ուղղությամբ։

ՄԵԹՈԴԱԲԱՆՈՒԹՅՈՒՆ
Ծրագիրը հիմնված է ոչ ֆորմալ կրթության մոտեցումների վրա և ներառում է՝

• ինտերակտիվ քննարկումներ
• խմբային աշխատանքներ
• գործնական վարժություններ
• փորձի փոխանակում տարբեր համայնքներից մասնակիցների միջև

ՈՒՄ ՀԱՄԱՐ Է ՆԱԽԱՏԵՍՎԱԾ
Դասընթացին կարող են դիմել երիտասարդական աշխատողներ, ովքեր՝

• ունեն երիտասարդների հետ աշխատանքի փորձ (պրոֆեսիոնալ կամ կամավոր)
• հետաքրքրված են ընտրական կրթությամբ և քաղաքացիական մասնակցությամբ
• ցանկանում են զարգացնել իրենց հաղորդակցման և ֆասիլիտացիայի հմտությունները

ՄԱՆՐԱՄԱՍՆԵՐ ԵՎ ՊԱՅՄԱՆՆԵՐ

• Մասնակիցների թիվը՝ 24
• Տևողությունը՝ 3 օր, 3 գիշեր
• Օրերը՝ ապրիլի 27-30, 2026թ.
• Վայրը՝ ընտրված մասնակիցներին ավելի ուշ կտեղեկացվի
• Մասնակցությունն անվճար է
• Կեցությունն ու տրանսպորտը ապահովում է կազմակերպությունը
• Դասընթացի ավարտին կտրամադրվի մասնակցության հավաստագիր

ԴԻՄԵԼՈՒ ՀԱՄԱՐ
Գրանցման հղում՝ https://forms.gle/i4Xh74JautLSU2LQ9
Դիմումների վերջնաժամկետ՝ ապրիլի 21

Հավելյալ տեղեկությունների համար կարող եք կապ հաստատել ծրագրի համակարգող Արփինե Դավոյանի հետ գրելով arpine.davoyan@yic.am էլ․ հասցեին, կամ զանգելով 095 91 91 97 հեռախոսահամարով (երկուշաբթի–ուրբաթ, 10:00–18:00)։

Ծրագիրն իրականացվում է «Երիտասարդական նախաձեռնությունների կենտրոն» (ԵՆԿ) ՀԿ-ի կողմից՝ դանիական «Նոր ժողովրդավարության հիմնադրամի» ֆինանսավորմամբ։