Գյումրու «Երիտասարդական նախաձեռնությունների կենտրոն» հասարակական կազմակերպությունը հրավիրում է մասնակցելու «Աշխատունակության ամառային դպրոցի», որի շրջանակներում հինգ օրերի ընթացքում մասնակիցներին հնարավորություն կտրվի գործնական գիտելիքներ ստանալ հետևյալ թեմաներից․

1. Առաջնորդություն և թիմային աշխատանք,
2. Կոնֆլիկտների հաղթահարում և բանակցությունների վարում,
3. Մեդիագրագիտություն,
4. Մասնագիտական կողմնորոշում, աշխատաշուկա և զբաղվածություն,
5. Աշխատանքային հարցազրույցի պատրաստում:

Ամառային դպրոցի ընդհանուր նպատակն է ուսանողներին, նորավարտ մասնագետներին և աշխատանք փնտրող բոլոր երիտասարդներին տրամադրել գործնական գիտելիքներ ու հմտություններ, որոնք նրանց առավել մրցունակ կդարձնեն աշխատաշուկայում։

Ամառային դպրոցին կարող են մասնակցել 16 տարին լրացած երիտասարդներ` անկախ նրանց հինական զբաղմունքից և թեմաների վերաբերյալ նախնական գիտելիքներից, ովքեր ունեն ցանկություն շարունակելու իրենց կրթությունը և ունեն մտադրություն մոտ ապագայում դիմել աշխատանքի։

Մասնակցության համար անհրաժեշտ է վճարել ամառային դպրոցի իրական արժեքի միայն մի մասը՝ 6000 դրամ։

Ամառային դպրոցը տեղի է ունենալու Գյումրու «Երիտասարդների տուն» բաց երիտասարդական կենտրոնում՝ Վ. Սարգսյան 20 հասցեում։ Յուրաքանչյուր օրվա ծանրաբեռնվածությունը 4 ժամ է՝  ներառյալ ընդմիջումները:

Ամառային դպրոցն անցկացնելու են Հայաստանում երիտասարդական ոլորտի առաջատար փորձագետներ Աննա Եղոյանը, Արթուր Նաջարյանը, Կարեն Տերտերյանը, Ամալյա Ադամյանը և Էսմարիդա Պողոսյանը:

Ամառային դպրոցի մասնակցության տեղերը սահմանափակ են, ընտրվելու են առաջին պահանջներին բավարարող 20 հայտադիմումները:  Մասնակցելու համար անհրաժեշտ է լրացնել էլեկտրոնային հայտը:

Գրանցման հայտը լրացնելու վերջնաժամկետն է հունիսի 30-ը:

Վերջնաժամկետից հետո կապ կհաստատվի մասնակցության հայտ ներկայացրած բոլոր անձանց հետ։

Հարցերի և մանրամասների համար կարող եք զանգահարել ԵՆԿ գրասենյակ՝ Սյուզաննա Սեկեպյանին (երեքշաբթիից շաբաթ, ժամը 10:00 — 18:00) հետևյալ հեռախոսահամարով՝ 095-91-91-97 կամ գրել syuzanna.sekepyan@yic.am էլ-հասցեին: