Գյումրու «Երիտասարդական նախաձեռնությունների կենտրոն» հասարակական կազմակերպությունը (ԵՆԿ) հայտարարում է մրցույթ՝ ծրագրի օգնականի թափուր պաշտոնը համալրելու նպատակով։

1. ՀԻՄՆԱԿԱՆ ՏԵՂԵԿԱՏՎՈՒԹՅՈՒՆ

Պաշտոն՝ Ծրագրի օգնական

Աշխատանքի վայր՝ Գյումրու «Երիտասարդական նախաձեռնությունների կենտրոն» ՀԿ գրասենյակ (ՀՀ, ք. Գյումրի, Ալեք Մանուկյան 26)

Պայմանագրի տեսակ՝ Աշխատանքային պայմանագիր

Պայմանագրի ժամկետ՝ 40 ամիս

Աշխատանքի սկիզբ՝ 2026 թվականի դեկտեմբերի 1

Աշխատանքի ծավալ՝ Լրիվ դրույք՝ շաբաթական 40 ժամ, 5-օրյա աշխատանքային գրաֆիկով

Անմիջական ղեկավար՝ Ծրագրի ղեկավար

2. ՊԱՇՏՈՆԻ ՆՊԱՏԱԿԸ

Ծրագրի օգնականը պատասխանատու է ծրագրային թիմի կազմակերպչական, վարչական, բովանդակային և ֆինանսական փաստաթղթավորման աշխատանքներին գործնական աջակցության տրամադրման համար՝ նպաստելով ծրագրային գործողությունների ժամանակին և արդյունավետ իրականացմանը, փաստաթղթաշրջանառության պատշաճ կազմակերպմանը, տեղեկատվության հավաքագրմանն ու համակարգմանը, ինչպես նաև ծրագրի մասնակիցների, գործընկերների և այլ շահագրգիռ կողմերի հետ արդյունավետ հաղորդակցության ապահովմանը։

3. ՀԻՄՆԱԿԱՆ ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐ

• Աջակցել ծրագրի ընթացիկ կազմակերպչական, վարչական և բովանդակային աշխատանքների իրականացմանը՝ համաձայն հաստատված աշխատանքային պլանի, ժամանակացույցի և սահմանված առաջնահերթությունների։
• Մասնակցել ծրագրի շրջանակում նախատեսված հանդիպումների, դասընթացների, աշխատարանների, քննարկումների, ուսումնական այցերի և այլ միջոցառումների նախապատրաստմանն ու կազմակերպմանը՝ ապահովելով անհրաժեշտ կազմակերպչական և նյութատեխնիկական աջակցությունը։
• Աջակցել ՀՀ տարբեր մարզերում նախատեսված ծրագրային գործողությունների նախապատրաստմանը, կազմակերպմանը և իրականացմանը՝ անհրաժեշտության դեպքում մասնակցելով տեղում իրականացվող աշխատանքներին։
• Աջակցել ծրագրի շրջանակում ապրանքների և ծառայությունների ձեռքբերման գործընթացների կազմակերպմանը, անհրաժեշտ փաստաթղթերի նախապատրաստմանը, հավաքագրմանն ու համակարգմանը՝ համագործակցելով ծրագրային թիմի համապատասխան անդամների հետ։
• Աջակցել ծրագրի վարչական, բովանդակային և ֆինանսական փաստաթղթերի պատրաստմանը, հավաքագրմանը, ստուգմանն ու համակարգմանը՝ ապահովելով դրանց ամբողջականությունը և պատշաճ պահպանումը։
• Իրականացնել ընթացիկ հաղորդակցություն ծրագրի մասնակիցների, շահառուների, գործընկերների, փորձագետների, դասընթացավարների, ծառայություններ մատուցողների և այլ ներգրավված կողմերի հետ՝ ապահովելով անհրաժեշտ տեղեկատվության ժամանակին փոխանցումը և արդյունավետ համագործակցությունը։
• Աջակցել ծրագրային գործողությունների մասնակիցների հավաքագրման, գրանցման և ներգրավման գործընթացներին՝ ապահովելով անհրաժեշտ տեղեկատվության տրամադրումը, տվյալների հավաքագրումը և մասնակիցների հետ կապի պահպանումը։
• Հավաքագրել, մուտքագրել, համակարգել և պարբերաբար թարմացնել ծրագրային գործողությունների, մասնակիցների և իրականացված աշխատանքների վերաբերյալ տվյալները՝ ապահովելով համապատասխան տվյալների բազաների ճշգրիտ և կանոնավոր վարումը։
• Պատրաստել, խմբագրել, ձևաչափել և անհրաժեշտության դեպքում թարգմանել ծրագրի իրականացմանն առնչվող հայերեն և անգլերեն էլեկտրոնային ու տպագիր փաստաթղթերը, տեղեկատվական նյութերը և աշխատանքային գրագրությունը։
• Աջակցել ծրագրի փաստաթղթաշրջանառության կազմակերպմանը՝ ապահովելով փաստաթղթերի պատշաճ գրանցումը, դասակարգումը, էլեկտրոնային և թղթային տարբերակների համակարգումն ու արխիվացումը։
• Հավաքագրել և համակարգել ծրագրային գործողությունների իրականացման վերաբերյալ անհրաժեշտ տեղեկատվությունն ու հիմնավորող փաստաթղթերը՝ աջակցելով ծրագրի ընթացիկ, միջանկյալ և վերջնական բովանդակային ու ֆինանսական հաշվետվությունների պատրաստմանը։
• Մասնակցել ծրագրային գործողությունների հանրայնացման և տեսանելիության ապահովման աշխատանքներին՝ համագործակցելով կազմակերպության հանրային կապերի պատասխանատուի հետ և տրամադրելով անհրաժեշտ տեղեկատվություն ու նյութեր։
• Համագործակցել ծրագրային թիմի անդամների հետ՝ աջակցելով ընթացիկ աշխատանքների կազմակերպմանը, աշխատանքային հանդիպումների նախապատրաստմանը, տեղեկատվության փոխանակմանը և առաջադրանքների ժամանակին կատարմանը։
• Մասնակցել նոր ծրագրերի, ծրագրային առաջարկների և գործողությունների մշակման ու պլանավորման գործընթացներին՝ աջակցելով անհրաժեշտ տեղեկատվության հավաքագրմանը, փաստաթղթերի պատրաստմանը և կազմակերպչական աշխատանքներին։
• Մասնակցել ծրագրային թիմի աշխատանքային հանդիպումներին, կազմակերպության աշխատակազմի ժողովներին և ռազմավարական պլանավորման գործընթացներին։
• Պատրաստել և անմիջական ղեկավարին ներկայացնել կատարված աշխատանքների վերաբերյալ ամսական հաշվետվություններ։
• Անհրաժեշտության դեպքում, անմիջական ղեկավարի հանձնարարությամբ, աջակցել կազմակերպության այլ ծրագրերի և միջոցառումների իրականացմանը, ինչպես նաև կատարել պաշտոնի գործառույթներին և կազմակերպության կանոնադրական նպատակներին համապատասխան այլ աշխատանքներ։

4. ԹԵԿՆԱԾՈՒԻՆ ՆԵՐԿԱՅԱՑՎՈՂ ՊԱՀԱՆՋՆԵՐ

Կրթություն և մասնագիտական փորձ

• Միջին մասնագիտական կամ բարձրագույն կրթություն։
• Առնվազն 1 տարվա աշխատանքային փորձ՝ վարչական, կազմակերպչական կամ հարակից ոլորտներում։
• Վարչական աշխատանքների կազմակերպման, փաստաթղթաշրջանառության և տեղեկատվության համակարգման վերաբերյալ գիտելիքներ ու գործնական հմտություններ։

Մասնագիտական և անձնային կարողություններ

• Կազմակերպչական, աշխատանքների պլանավորման, առաջնահերթությունների սահմանման և ժամանակի արդյունավետ կառավարման զարգացած հմտություններ։
• Թիմային աշխատանքի, արդյունավետ համագործակցության և տարբեր առաջադրանքների իրականացմանն աջակցելու կարողություն։
• Գրավոր և բանավոր հաղորդակցման, բանակցությունների վարման և կոնֆլիկտային իրավիճակների արդյունավետ կառավարման հմտություններ։
• Բազմաառաջադրանք աշխատանքային միջավայրում աշխատելու, սահմանված ժամկետները պահպանելու և փոփոխվող իրավիճակներին արագ հարմարվելու կարողություն։
• Վերլուծական մտածողություն, մանրուքների նկատմամբ ուշադրություն և փաստաթղթերի ու տվյալների հետ ճշգրիտ աշխատելու կարողություն։
• Պատասխանատվության բարձր զգացում, նախաձեռնողականություն, կազմակերպվածություն և ինքնուրույն աշխատելու կարողություն։
• Հայերենի և անգլերենի գերազանց իմացություն։
• Համակարգչային ծրագրերի և առցանց աշխատանքային գործիքների կիրառման լավ հմտություններ (MS Word, Excel, PowerPoint, Google Workspace և այլ համապատասխան գործիքներ)։

5. ԸՆՁԵՌՎՈՂ ՀՆԱՐԱՎՈՐՈՒԹՅՈՒՆՆԵՐ

• Մասնակցություն Հայաստանում և արտերկրում կազմակերպվող մասնագիտական վերապատրաստումների և կարողությունների զարգացման ծրագրերի։
• Մասնագիտական զարգացման, նոր հմտությունների ձեռքբերման և աշխատանքային առաջխաղացման հնարավորություններ։

6. ԱՇԽԱՏԱՎԱՐՁ

Աշխատավարձի չափի վերաբերյալ տեղեկատվությունը կտրամադրվի հարցազրույցի փուլում։

7. ԴԻՄԵԼՈՒ ԿԱՐԳ

Հետաքրքրված և ներկայացված պահանջներին համապատասխանող թեկնածուները հրավիրվում են դիմելու՝ մինչև 2026 թվականի նոյեմբերի 15-ը ներկայացնելով հետևյալ փաստաթղթերը՝

• Ինքնակենսագրական (CV),
• Մոտիվացիոն նամակ։

Փաստաթղթերը պետք է ներկայացվեն հայերենով և ուղարկվեն hr@yic.am էլեկտրոնային հասցեին։

Էլեկտրոնային նամակի թեմա (Subject) դաշտում անհրաժեշտ է նշել՝ «Ծրագրի օգնական_Անուն Ազգանուն»

Դիմումի համար անհրաժեշտ փաստաթղթերը կարող են ներկայացվել նաև անձամբ՝ Գյումրու «Երիտասարդական նախաձեռնությունների կենտրոն» ՀԿ գրասենյակ (ք. Գյումրի, Ալեք Մանուկյան 26)։

8. ԸՆՏՐՈՒԹՅԱՆ ԳՈՐԾԸՆԹԱՑ

Թեկնածուների ընտրությունը կիրականացվի երկու փուլով՝

Փուլ 1. Հայտերի նախնական գնահատում

Ներկայացված փաստաթղթերի ուսումնասիրություն և թեկնածուների համապատասխանության գնահատում՝ սահմանված որակավորման պահանջների և ընտրության չափանիշների հիման վրա։

Փուլ 2. Հարցազրույց

Նախնական ընտրությունն անցած թեկնածուների մասնագիտական գիտելիքների, աշխատանքային փորձի, համապատասխան կարողությունների և մոտիվացիայի գնահատում։

Հարցազրույցի կհրավիրվեն միայն նախնական ընտրության փուլը հաջողությամբ անցած թեկնածուները։

9. ԼՐԱՑՈՒՑԻՉ ՏԵՂԵԿՈՒԹՅՈՒՆՆԵՐ

Մրցույթի և դիմելու ընթացակարգի վերաբերյալ հարցերի կամ լրացուցիչ տեղեկությունների համար կարող եք կապ հաստատել Գյումրու «Երիտասարդական նախաձեռնությունների կենտրոն» ՀԿ գրասենյակի հետ՝

Հեռախոս՝ +374 95 919197

Աշխատանքային օրեր և ժամեր՝ երկուշաբթիից ուրբաթ, 09:00–18:00։

Նշում. Աշխատողի անհատական աշխատանքային գրաֆիկը սահմանվում է կազմակերպության աշխատանքային ժամերին համապատասխան՝ պահպանելով շաբաթական 40-ժամյա աշխատանքային ծանրաբեռնվածությունը։