ԷՐԱԶՄՈՒՍ+ ԵՐԻՏԱՍԱՐԴԱԿԱՆ ՓՈԽԱՆԱԿՄԱՆ ԾՐԱԳԻՐ՝
ՈՒՍՈՒՑՄԱՆ ԵՎ ԱՆՁՆԱՅԻՆ ԶԱՐԳԱՑՄԱՆ ԹԵՄԱՅՈՎ

ԱՆՎԱՆՈՒՄԸ՝ Learn to Learn — Learn!
ՎԱՅՐԸ՝ Նիրեդհազա, Հունգարիա
ՕՐԵՐԸ՝ 2027 թ․ հունվարի 27-ից փետրվարի 3

ԾՐԱԳՐԻ ՆՊԱՏԱԿԸ

Օգնել երիտասարդներին դառնալ ավելի ակտիվ և ինքնուրույն սովորողներ՝ զարգացնելով սովորել սովորելու հմտությունները, բացահայտելով ֆորմալ կրթությունից դուրս ուսուցման հնարավորությունները և խրախուսելով շարունակական կրթությունը՝ անձնային ու մասնագիտական զարգացման համար։

ԾՐԱԳՐԻ ԽՆԴԻՐՆԵՐԸ

  • Զարգացնել մասնակիցների ինքնավերլուծության հմտությունները՝ օգնելով նրանց ավելի լավ հասկանալ սեփական ուժեղ կողմերը, ուսումնառության ոճերն ու անհատական կրթական կարիքները;
  • Բացահայտել ոչ ֆորմալ և ինֆորմալ կրթության հնարավորությունները և ուսումնասիրել, թե ինչպես կարող են դրանք լրացնել ֆորմալ կրթությունն ու նպաստել անձնային և մասնագիտական զարգացմանը;
  • Խրախուսել երիտասարդներին պատասխանատվություն ստանձնել սեփական ուսումնառության համար, կատարել գիտակցված ընտրություններ և ուսման իրենց ուղին կապել ապագա մասնագիտական ու կյանքի նպատակների հետ։
  • Խթանել շարունակական կրթությունը և ամրապնդել մասնակիցների ինքնավստահությունը, մոտիվացիան ու նոր մարտահրավերներին հարմարվելու կարողությունը։

ՄԱՍՆԱԿԻՑՆԵՐ

Հայաստանի թիմը բաղկացած է լինելու 4 երիտասարդ մասնակցից և 1 թիմի ղեկավարից։

Երիտասարդ մասնակիցները պետք է լինեն 18-24 տարեկան, հետաքրքրված լինեն իրենց ուսումնառության առանձնահատկությունները բացահայտելով, սեփական ուժեղ կողմերը ճանաչելով և անձնային ու մասնագիտական հմտությունները զարգացնելով։

Ծրագրին կարող են դիմել կրթական և մասնագիտական տարբեր փորձառություն ունեցող երիտասարդներ՝ ուսանողներ, կամավորներ, ակտիվ երիտասարդ առաջնորդներ և այլք։ Միջազգային ծրագրերի մասնակցության փորձը պարտադիր չէ։ Հատկապես խրախուսվում է այն երիտասարդների մասնակցությունը, որոնց համար սա կլինի առաջին միջազգային ծրագիրը։

Դիմորդները պետք է լինեն մոտիվացված, բաց նոր գաղափարների համար և պատրաստ ակտիվորեն ներգրավվելու ծրագրի բոլոր գործողություններում։ Ընտրության փուլում առաջնահերթություն կտրվի ԵՆԿ ՀԿ-ի անդամներին։

Երիտասարդ մասնակիցների հայտադիմումի հղումը՝ https://forms.gle/A4kFHDHA8XVfneYu9

Թիմի ղեկավարը պետք է լինի 21-30 տարեկան, ունենա կազմակերպչական, հաղորդակցման և ֆասիլիտացիոն լավ հմտություններ, ինչպես նաև հետաքրքրված լինի ծրագրի թեմայով։ ԵՆԿ ՀԿ-ի կողմից իրականացված Էրազմուս+ ծրագրերի մասնակցության փորձը կհամարվի առավելություն։

Թիմի ղեկավարը պետք է պատրաստ լինի աջակցելու մասնակիցներին երիտասարդական փոխանակման ողջ ընթացքում և ներգրավվելու ծրագրի նախապատրաստական, իրականացման ու հետագա գործողություններում։ Ընտրության փուլում առաջնահերթություն կտրվի ԵՆԿ ՀԿ անդամներին։

Թիմի ղեկավարի հայտադիմումի հղումը՝ https://forms.gle/ff1m9xva6PhSZDju6

ԱՇԽԱՏԱՆՔԱՅԻՆ ԼԵԶՈՒ

Ծրագրի աշխատանքային լեզուն անգլերենն է։

Երիտասարդ մասնակիցներից պահանջվում է անգլերենի առնվազն միջին մակարդակի իմացություն, իսկ թիմի ղեկավարից՝ բարձր մակարդակի իմացություն՝ խմբային սեսիաները վարելու և մասնակիցներին աջակցելու համար։

ՖԻՆԱՆՍԱԿԱՆ ԵՎ ԱՅԼ ՊԱՅՄԱՆՆԵՐ

  • Կեցության և սննդի ծախսերն ամբողջությամբ հոգում է ծրագիրը։
  • Հայաստանի մասնակիցների ճանապարհածախսը կփոխհատուցվի յուրաքանչյուր մասնակցի համար մինչև 309 եվրոյի չափով՝ ծրագրի ավարտից և անհրաժեշտ բոլոր ճանապարհորդական փաստաթղթերը ներկայացնելուց հետո։
  • Հայաստանի մասնակիցների վիզայի վճարը և վիզայի հետ կապված ծախսերն ամբողջությամբ կփոխհատուցվեն։
  • Մասնակիցները պարտավոր են ունենալ վավեր ճանապարհորդական առողջության ապահովագրություն։

ՄԱՍՆԱԿՑՈՒԹՅԱՆ ՎՃԱՐ՝ 20 եվրո

ԵՆԿ ՀԿ-ի անդամներն ազատված են մասնակցության վճարից։

ԴԻՄԵԼՈՒ ՎԵՐՋՆԱԺԱՄԿԵՏ՝ 25 նոյեմբեր 2026 թ․։

Հավելյալ հարցերի դեպքում կարող եք դիմել ԵՆԿ ՀԿ գրասենյակ՝ mobilitywithyic@yic.am էլեկտրոնային հասցեով կամ զանգահարել +374 95 91 91 97 հեռախոսահամարով։