ԱՆՎԱՆՈՒՄԸ՝ Mind in motion 

ՎԱՅՐԸ՝ Նանտ, ֆրանսիա 

ՕՐԵՐԸ՝ 14-21  հունիս 2026 թ․ 

ԾՐԱԳՐԻ ՆՊԱՏԱԿԸ․ Զարգացնել երիտասարդների կարողությունները ոչ ֆորմալ և բնության միջվայրում իրականացվող ուսուցման միջոցով՝ ամրապնդելով ինքնավստահությունը, դիմակայունությունն ու բարեկեցությունը, միաժամանակ զարգացնելով առաջնորդության և համագործակցության հմտությունները և խթանելով ներառականությունը, բազմազանությունն ու միջմշակութային երկխոսությունը։

Ծրագիրն իրականացվելու է Նանտ քաղաքի մոտակայքում գտնվող «Port-Barbe» վրանային ճամբարում։ Ծրագրում ներառված են թիմային և սպորտային խաղեր, վարժություններ, ստեղծարար աշխատարաններ, ինչպես նաև այլ ոչ ֆորմալ կրթական գործողություններ։

ՄԱՍՆԱԿԻՑ ԵՐԿՐՆԵՐԸ՝ Հայաստան, Վրաստան, Ֆրանսիա, Բելգիա, Խորվաթիա, Ուկրաինա։

ՄԱՍՆԱԿԻՑՆԵՐ՝ Հայաստանի թիմը  բաղկացած է լինելու 4 երիտասարդ մասնակցից և 1 թիմ լիդերից:

• Երիտասարդ մասնակիցները պետք է լինեն 18-25 տարեկան ակտիվ երիտասարդներ, ուսանողներ և կամավորներ, ովքեր հետաքրքրված են ծրագրի թեմայով: Ընտրության փուլում առավելություն կտրվի ԵՆԿ ՀԿ անդամներին։ Որպես երիտասարդ մասնակից ծրագրին դիմելու համար անհրաժեշտ  է լրացնել առցանց դիմում-հայտը:
• Թիմ-լիդերը պետք է լինի առնվազն 18 տարեկան փորձառու և կազմակերպչական հմտություններով երիտասարդական առաջնորդ, երիտասարդական աշխատող։ Նախապատվությունը կտրվի ԵՆԿ միջազգային նախագծերին մասնակցած կամ ԵՆԿ անդամ հանդիսացող դիմորդներին։ Որպես թիմ լիդեր ծրագրին դիմելու համար անհրաժեշտ է լրացնել առցանց դիմում-հայտը։

ԾՐԱԳՐԻ ԱՇԽԱՏԱՆՔԱՅԻՆ ԼԵԶՈՒՆ՝ անգլերենն է և երիտասարդ մասնակիցների համար պահանջվում է լեզվի առնվազն միջին մակարդակի իմացություն: Թիմ լիդերը պետք է ունենա անգլերենի իմացության բարձր մակարդակ:

ՖԻՆԱՆՍԱԿԱՆ ԵՎ ԱՅԼ ՊԱՅՄԱՆՆԵՐ

• ծրագրի ընթացքում կազմակերպիչները հոգում են կեցության և սննդի ծախսերն ամբողջությամբ,
• մասնակիցները պարտավորվում են ունենալ ճանապարհորդական ապահովագրություն, քանի որ հյուրընկալող կազմակերպությունը չի փոխհատուցելու առողջապահական ծախսերը,
• մասնակիցները պետք է իրենց հետ ունենան քնապարկ և բարձ, սրբիչ և հիգիենայի պարագաներ,
• Հայաստանի մասնակիցների ճանապարհածախսի համար նախատեսված գումարը կազմում է 580 եվրո, որը կփոխհատուցվի ծրագրի ավարտից հետո՝ բանկային փոխանցմամբ։ Անհրաժեշտ է բոլոր ստացականները ներկայացնել կազմակերպիչներին,
• վիզայի վճարը և վիզայի հետ կապված ծախսերը ևս կփոխհատուցվի ծրագրի կողմից մինչև 35 եվրո։ Փոխհատուցումը կիրականացվի ճանապարհածախսի հետ միասին:

ՄԱՍՆԱԿՑՈՒԹՅԱՆ ՎՃԱՐ՝ 30 եվրո

ԵՆԿ ՀԿ անդամները ազատված են մասնակցության վճարից:  

ԴԻՄԵԼՈՒ ՎԵՐՋՆԱԺԱՄԿԵՏ` փետրվարի 18, ժամը 23։59

Հավելյալ հարցերի դեպքում կարող եք դիմել Վալյա Մարտիրոսյանին mobilitywithyic@yic.am էլ. հասցեով կամ զանգահարել ԵՆԿ ՀԿ գրասենյակ 095 919197 հեռախոսահամարով (բացի շաբաթ և կիրակի օրերի):