Դեկտեմբերի 28-ին տեղի ունեցավ Գյումրու ԵՆԿ ՀԿ ամանորյա և կազմակերպության 8-րդ տարեդարձին նվիրված միջացումը: Արդեն ամենամյա դարձած միջոցառման ընթացքում Գյումրու երիտասարդական նախաձեռնությունների կենտրոն հասարակական կազմակերպության հետ արդյունավետ համագործակցության, ինչպես նաև  «Երիտասարդների միջազգային օր 2016» միջոցառման իրականացմանը ցուցաբերած աջակցության համար շնորհակալագրերի արժանացան մի շարք համագործակից կառույցներ, մասնավորապես «Էմիլի Արեգակ» կենտրոնը, Հայորդաց տունը, «4D« ընկերությունը, «Թայմ» փրոդաքշընը, Շիրակ ֆուտբոլային ակումբը, «Կաֆե Նանսի» սրճարանը
Կազմակերպության  կամավորներ Հայարփի Պողոսյանն ու Հովհաննես Մկրտչյանն արժանացան պատվոգրերի` կազմակերպության գործունեության շրջանակներում ակտիվ նախաձեռնողականությամբ և պատրաստակամությամբ հանդես գալու համար, իսկ տարվա ընթացքում ԵՆԿ-ի հետ սերտ համագործակցած տարբեր բնագավառների գործընկեր կառույցներին շնորհվեց ՏԱՐՎԱ ԳՈՐԾԸՆԿԵՐ տիտղոսը: Վերջինիս արժանացան`

ՄԵԴԻԱ ԿԱԶՄԱԿԵՐՊՈՒԹՅՈՒՆ – «Ցայգ» հեռուստաընկերությունը
ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆ – «Առաքելություն Արևելք»-ը
ՊԵՏԱԿԱՆ ԿԱՌՈՒՅՑ – Գյումրու զբաղվածության տարածքային կենտրոնը և Գյումրու քաղաքապետարանը
ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆ – Շիրակի պետական համալսարանը
ԲԻԶՆԵՍ ԿԱԶՄԱԿԵՐՊՈՒԹՅՈՒՆ – «Դիզայն Բուտիք» ընկերությունը

Կազմակերպությունը հանձնեց իր ավանդական ՏԱՐՎԱ ԱՆԴԱՄ տիտղոսը, որին այս տարի արժանացավ Արգիշտի Մեխակյանը և առաջին անգամ շնորհեց ԱՇԽԱՏԱԿԱԶՄԻ ՏԱՐՎԱ ԱՆԴԱՄ տիտղոսը, որը հանձնվեց Մարիամ Ղարագյոզյանին` կազմակերպության հանդեպ ունեցած մեծ նվիրումի և իր աշխատանքային պարտականությունները բարեխիղճ ու արհեստավարժ իրականացնելու համար։

Տեսնել ավելին