«Գյումրու երիտասարդների տունը»* բաց երիտասարդական աշխատանքի մեթոդաբանությամբ և սկզբունքներով աշխատող առաջին երիտասարդական կենտրոնն է Հայաստանում: 13-18 տարեկան պատանիներին տրամադրում է ծառայություններ՝ ոչ-ֆորմալ կրթության, զբաղվածության, ժամանցի կազմակերպման, առողջ ապրելակերպի խթանման, մասնագիտական կողմնորոշման ուղղություններով։ 2018 թվականից ի վեր կենտրոնը ծառայել է տարեկան շուրջ 600 երիտասարդի: Կենտրոնում իրականացվում են միջոցառումներ և ծրագրեր, որոնք նպաստում են երիտասարդների քաղաքացիական ակտիվությանը և բարեկեցությանը:

Ինչի՞ն է ուղղվելու Ձեր նվիրատվությունը:

Նվիրաբերելով 50 ԱՄՆ դոլար՝ Դուք հնարավորություն եք տալիս մեկ պատանու օգտվելու կենտրոնի ծառայություններից մեկ ամբողջ տարի՝ կերտելով ավելի պայծառ ապագա։

Նվիրաբերելով 1667 ԱՄՆ դոլար՝ Դուք աջակցում եք կենտրոնի մեկ ամսվա գործունեությանը:

*«Գյումրու երիտասարդների տուն» բաց երիտասարդական կենտրոնը հիմնադրվել է 2018 թվականին Գյումրու «Երիտասարդական նախաձեռնությունների կենտրոն» ՀԿ-ի կողմից՝ Եվրոպական միության և Գյումրու համայնքապետարանի հետ համագործակցությամբ:

Գյումրու «Երիտասարդական նախաձեռնությունների կենտրոն» ՀԿ-ի գործունեության առանցքային ուղղություններից են Հայաստանի մարզերում երիտասարդների կրթությունն և հզորացումը, քաղաքացիական ակտիվության բարձրացումը, միջմշակութային հաղորդակցությունը ինչպես նաև երիտասարդների հետ աշխատող մասնագետների կարողությունների զարգացումը։

Այս նպատակի իրականացմանն են ուղղված տարատեսակ կրթական և զարգացնող ծրագրերը, ներառյալ՝ կենտրոնահեն և շարժական երիտասարդական աշխատանք, լեզվի ակումբներ, աշխատարաններ, տեղական և միջազգային փոխանակման ծրագրեր, ճամբարներ, դասընթացներ, ուսումնական այցեր, պրակտիկա, դեռահասների և երիտասարդների շահերի պաշտպանությանն ուղղված արշավներ, հետազոտություներ:

Ինչի՞ն է ուղղվելու Ձեր նվիրատվությունը:

Ձեր նվիրատվության շնորհիվ մեր կազմակերպությունը հնարավորություն կունենա իր ծառայությունները դարձնել շարունակական և ներառել ավելի մեծ թվով շահառուների ՀՀ մարզերից՝ նպաստելով Հայաստանի մարզերում երիտասարդների կյանքի որակի բարձրացմանը:

Գյումրու «Երիտասարդական նախաձեռնությունների կենտրոն» ՀԿ-ն, կարևորելով երիտասարդների նախաձեռնողականությունը, նորարարական գաղափարների առաջխաղացումը և որոշումների կայացման գործընթացին երիտասարդների մասնակցությունը, տրամադրում է ֆինանսական և կազմակերպչական աջակցություն՝ համայնքային երիտասարդական նախաձեռնությունների իրականացման համար։

Ինչի՞ն է ուղղվելու Ձեր նվիրատվությունը:

Ձեր նվիրատվության շնորհիվ մեր կազմակերպությունը հնարավորություն կունենա ֆինասակազմակերպչական աջակցությունը դարձնելու շարունակական՝ նպաստելով համայնքային խնդիրների լուծմանը և համայնք-երիտասարդ կապի ամրացմանը:

Մեր նպատակն է Գյումրու «Երիտասարդական նախաձեռնությունների կենտրոն» ՀԿ-ն կայացնել որպես հասանելի, ստեղծարար և առաջատար կառույց ՀՀ-ում և տարածաշրջանում՝ շարունակաբար զարգացնելով կազմակերպության ներուժը, ընդլայնելով գործունեության շրջանակները և աշխարհագրությունը՝ պահպանելով ստեղծարար և գիտելիքահեն մշակույթը։

Ինչի՞ն է ուղղվելու Ձեր նվիրատվությունը:

Ձեր նվիրատվությամբ Դուք կաջակցեք կազմակերպության հզորացմանը, կօգնեք բարձրացնել գրասենյակի նյութատեխնիկական հագեցվածությունը, կապահովեք ծրագրերի շարունակականությունը և դրամաշնորհներից ֆինանսական անկախությունը: