2023 թ. ապրիլի 8-15-ը «Երիտասարդական նախաձեռնությունների կենտրոն» ՀԿ-ն, «Exploring Cultural campfire Opportunities (ECCO)» (Նորվեգիա) ՀԿ-ի հետ համատեղ՝ Եվրամիության «Էրազմուս+» ծրագրի շրջանակներում, հյուրընկալում է «Մենթորության Արվեստը» թեմայով ԵՀԿ մենթորների վերապատրաստման միջազգային դասընթացը։

Դասընթացը նպատակաուղղված է աջակցելու Եվրոպական համերաշխության կորպուս (ԵՀԿ) ծրագրերում ներգրավված 27 մենթորի գիտելիքների բարելավմանը՝ նպաստելով ԵՀԿ համակարգողների և մենթորների ներուժի զարգացմանը և ԵՀԿ ծրագրերի որակի բարձրացմանը, ինչպես նաև «զինելու» մենթորներին ԵՀԿ կամավորներին աջակցելու և ուղղորդելու համար անհրաժեշտ կարևոր մեթոդներով, որոնք կօգնեն վերջիններիս լինել ավելի աշխատունակ։

Ծրագրին մասնակցում են ներկայացուցիչներ Հայաստանից, Նորվեգիայից, Հունաստանից, Բուլղարիայից, Հորդանանից, Ուկրաինայից, Մոլդովայից, Իտալիայից, Վրաստանից, Էստոնիայից և Ֆրանսիայից: