Փետրվարի 22-ից 23-ը տեղի ունեցավ ՅՈՒՆԻՍԵՖ-ի «UPSHIFT Հայաստան» դեռահասների զարգացման և զորակցման պիլոտային ծրագրի մենթորների վերապատրաստման դասընթացը:

Դասընթացի ընթացքում ծրագրի 5 մենթորներ հնարավորություն ունեցան ծանոթանալու մենթորության ոճերին, սկզբունքներին, դեռահասների հետ աշխատանքի առանձնահատկություններին, երիտասարդական նախաձեռնությունների մշակման քայլերին, ինչպես նաև բացայատեցին դեռահասներին աջակցելու և ուղղորդելու համար անհրաժեշտ կարևոր մեթոդներ, որոնք կօգնեն վերջիններիս կայանալ` որպես հմուտ մենթորներ:

Նշենք, որ ընտրված մենթորները ս/թ մարտից օգոստոս ամիսներին աջակցելու են «UPSHIFT Հայաստան» դեռահասների զարգացման և զորակցման պիլոտային ծրագրի շրջանակներում դեռահասներից ձևավորված թիմերին՝ իրենց ծրագրային գաղափարները մշակելու և կյանքի կոչելու համար:

*«UPSHIFT Հայաստան» դեռահասների զարգացման և զորակցման պիլոտային» ծրագիրն իրականացվում է ՅՈՒՆԻՍԵՖ-ի հայաստանյան գրասենյակի հետ համագործակցությամբ:

Տեսնել ավելին…