«ՍՊԻՏԱԿԻ ԵՐԻՏԱՍԱՐԴՆԵՐԻ ՏՈՒՆ» ԲԱՑ ԵՐԻՏԱՍԱՐԴԱԿԱՆ ԿԵՆՏՐՈՆ
Ընդհանուր տեղեկատվություն
«Սպիտակի երիտասարդների տուն» բաց երիտասարդական կենտրոնը բաց երիտասարդական աշխատանքի մեթոդաբանությամբ և սկզբունքներով աշխատող երկրորդ երիտասարդական կենտրոնն է Հայաստանում, որը հիմնադրվել է Գյումրու «Երիտասարդական նախաձեռնությունների կենտրոն» ՀԿ-ի կողմից 2020 թվականին ՅՈՒՆԻՍԵՖ-ի և Սպիտակի համայնքապետարանի հետ համագործակցությամբ։ Կազմակերպությունը հավատում է, որ երիտասարդների հետ պրոֆեսիոնալ աշխատանքը և անվճար ծառայությունները Սպիտակի ծայրամասային թաղամասերից մեկում ունի անվտանգ և երիտասարդակենտրոն միջավայրում ներկայումս գոյություն ունեցող բացը լրացնելու և անձնային զարգացում ու ոչ-ֆորմալ ուսուցման հնարավորություններ տալու լիարժեք ներուժը:
Կենտրոնի նպատակն է բարձրացնել Հայաստանում`մասնավորապես Սպիտակում, երիտասարդների քաղաքացիական ակտիվությունն ու բարեկեցությունը՝ երիտասարդական աշխատանքի իրականացման միջոցով։
«Սպիտակի երիտասարդների տան» գործունեությունը նպատակաուղղված է երիտասարդների կյանքի որակի բարելավմանը, նրանց քաղաքացիական ակտիվության բարձրացմանն ու համայնքային կյանքին ներգրավմանը: Կենտրոնը 13-18 տարեկան պատանիների և երիտասարդների համար կրթվելու, նոր հմտություններ զարգացնելու, ինքնաարտահայտվելու, ազատ ժամանակը կազմակերպելու և հասակակիցների հետ շփվելու ապահով տարածք է, ինչպես նաև նպաստող միջավայր՝ նրանց սոցիալականացմանը և համայնքներում դրական փոփոխությունների իրականացմանը: Կենտրոնը ծառայություններ է մատուցում տարեկան 300 պատանու։
ԳՈՐԾՈՒՆԵՈՒԹՅԱՆ ՈՒՂՂՈՒԹՅՈՒՆՆԵՐ
- Կրթություն
- Զբաղվածություն
- Ժամանցի կազմակերպում
- Առողջ ապրելակերպի խթանում
- Մասնագիտական կողմնորոշում
ՏՐԱՄԱԴՐՎՈՂ ԾԱՌԱՅՈՒԹՅՈՒՆՆԵՐ
- Անհատական և/կամ խմբային երիտասարդական աշխատանք
- Շարժական երիտասարդական աշխատանք
- Խորհրդատվություն
- Կրթական ակումբներ, աշխատարաններ և դասընթացներ
- Ուսումնաճանաչողական այցեր
- Էքսկուրսիաներ/արշավներ
- Հանրային միջոցառումներ
- Ժամանցային և ոչ-ֆորմալ միջոցառումներ
Կենտրոնի կողմից մատուցվող ծառայություններն անվճար են:
ՀԱՐՄԱՐՈՒԹՅՈՒՆՆԵՐ ԵՎ ՌԵՍՈՒՐՍՆԵՐ
Երիտասարդական աշխատողների աջակցությամբ կենտրոնն առաջարկում է կրթվելու, ինքնաարտահայտվելու, ժամանակ անցկացնելու և հասակակիցների հետ շփվելու ապահով տարածք, որն ունի՝
- Հանդիպումների սրահ՝ տեխնիկական հագեցվածությամբ
- Համակարգիչներ՝ համացանցի հասանելիությամբ
- Գրադարան
- Ուսուցողական ու ժամանցային խաղեր
- Խոհանոց
- Բակ
Ֆեյսբուք՝ https://www.facebook.com/SpitakYouthHouse
Ինսթագրամ՝ https://www.instagram.com/spitakyouthhouse/
Հեռախոսահամար՝ 077 05 91 97
Էլ.հասցե spitakyouthhouse@yic.am
Հասցե՝ Շահումյան 105, Սպիտակ