«ԳՅՈՒՄՐՈՒ ԵՐԻՏԱՍԱՐԴՆԵՐԻ ՏՈՒՆ» ԲԱՑ ԵՐԻՏԱՍԱՐԴԱԿԱՆ ԿԵՆՏՐՈՆ

«Գյումրու երիտասարդների տուն»  բաց երիտասարդական կենտրոնը բաց երիտասարդական աշխատանքի մեթոդաբանությամբ և սկզբունքներով աշխատող առաջին երիտասարդական կենտրոնն է Հայաստանում, որը հիմնադրվել է Գյումրու «Երիտասարդական նախաձեռնությունների կենտրոն» ՀԿ-ի կողմից 2018 թվականի մայիսին Եվրոպական միության և Գյումրու համայնքապետարանի հետ համագործակցությամբ։ Կազմակերպությունը հավատում է, որ երիտասարդների հետ պրոֆեսիոնալ աշխատանքը և անվճար ծառայությունները Գյումրիի հեռավոր թաղամասերից մեկում ունի անվտանգ և երիտասարդակենտրոն միջավայրում ներկայումս գոյություն ունեցող բացը լրացնելու և անձնային զարգացում ու ոչ-ֆորմալ ուսուցման հնարավորություններ տալու լիարժեք ներուժը:

Կենտրոնի նպատակն է բարձրացնել Հայաստանում`մասնավորապես Գյումրիում, երիտասարդների քաղաքացիական ակտիվությունն ու բարեկեցությունը՝ երիտասարդական աշխատանքի իրականացման միջոցով։

«Գյումրու երիտասարդների տան»  գործունեությունը նպատակաուղղված է երիտասարդների  կյանքի որակի բարելավմանը, նրանց քաղաքացիական ակտիվության  բարձրացմանն ու համայնքային կյանքին ներգրավմանը: Կենտրոնը 13-18 տարեկան պատանիների և երիտասարդների համար կրթվելու, նոր հմտություններ զարգացնելու, ինքնաարտահայտվելու, ազատ ժամանակը կազմակերպելու և հասակակիցների հետ շփվելու ապահով տարածք է, ինչպես նաև նպաստող միջավայր՝ նրանց սոցիալականացմանը և համայնքներում դրական փոփոխությունների իրականացմանը:
Կենտրոնը ծառայություններ է մատուցում տարեկան 600 պատանու։

ԳՈՐԾՈՒՆԵՈՒԹՅԱՆ ՈՒՂՂՈՒԹՅՈՒՆՆԵՐ

• Կրթություն
•  Զբաղվածություն
•  Ժամանցի կազմակերպում
•  Առողջ ապրելակերպի խթանում
•  Մասնագիտական կողմնորոշում

ՏՐԱՄԱԴՐՎՈՂ ԾԱՌԱՅՈՒԹՅՈՒՆՆԵՐ

•  Անհատական և/կամ խմբային երիտասարդական աշխատանք
•  Շարժական երիտասարդական աշխատանք
•  Խորհրդատվություն
•  Կրթական ակումբներ, աշխատարաններ և դասընթացներ
•  Ուսումնաճանաչողական այցեր
•  Էքսկուրսիաներ/արշավներ
•  Հանրային միջոցառումներ
•  Ժամանցային և ոչ-ֆորմալ միջոցառումներ

Կենտրոնի կողմից մատուցվող ծառայություններն անվճար են:

ՀԱՐՄԱՐՈՒԹՅՈՒՆՆԵՐ ԵՎ ՌԵՍՈՒՐՍՆԵՐ

Երիտասարդական աշխատողների աջակցությամբ կենտրոնն առաջարկում է կրթվելու, ինքնաարտահայտվելու, ժամանակ անցկացնելու և հասակակիցների հետ շփվելու ապահով տարածք, որն ունի՝

•  Հանդիպումների սրահ՝ տեխնիկական հագեցվածությամբ
•  Համակարգիչներ՝ համացանցի հասանելիությամբ
•  Գրադարան
•  Խոհանոց
•  Բակ
•  Ուսուցողական ու ժամանցային խաղեր
•  Հեծանիվներ

ՏԵՍԱՆՅՈՒԹԵՐ

• Կենտրոնի մասին,
• Կենտրոնի առօրյան,
• Կենտրոնը առաջ և հիմա։

ՀԵՏԱԴԱՐՁ ԿԱՊ

Ֆեյսբուք՝                            https://www.facebook.com/youthhousegyumri/

Ինսթագրամ՝                      https://www.instagram.com/youthhousegyumri/

Հեռախոսահամար՝            094 05 91 97

Էլ.հասցե                             gyumriyouthhouse@yic.am

Հասցե՝                                Վազգեն Սարգսյան 20, Գյումրի