2016 թ. փետրվարի 7-ին Գյումրու «Մայր Հայաստան» հուշահամալիրի տարածքում անցկացվեց «Բուն Բարեկենդանի» և «Գյումրու ձմեռ» տոնակատարությունը, որին իր մասնակցությունն ունեցավ նաև Գյումրու «Երիտասարդական նախաձեռնությունների կենտրոնը»։ Կազմակերպության աշխատակազմը, անդամները, տեղական և միջազգային կամավորները մասնակցեցին Գյումրու կենտրոնական հրապարակից դեպի Մայր Հայաստան երթին, որի ընթացքում երթի մասնակիցները կրում էին Գյումրեցի նշանավոր մարդկանց դիմակները՝ պատրաստված ԵՆԿ միջազգային կամավորների կողմից: Ներկաները հյուրասիրվեցին նաև կազմակերպության աշխատակազմի կողմից պատրաստած բաղարջներով: Միջոցառումը կազմակերպել էր Գյումրու քաղաքապետարանը:

Տեսնել ավելին