ԱՇԽԱՏԱՆՔԻ ՀԱՅՏԱՐԱՐՈՒԹՅՈՒՆ ԾՐԱԳՐԻ ՂԵԿԱՎԱՐԻ ԹԱՓՈՒՐ ՀԱՍՏԻՔԻ

ՀԱՍՏԻՔԻ ԱՆՎԱՆՈՒՄ՝ Ծրագրի ղեկավար

ԱՇԽԱՏԱՆՔԻ ԹԵՄԱՏԻԿ ՈԼՈՐՏՆԵՐ՝ Երիտասարդական քաղաքականություն, երիտասարդական աշխատանք, միջազգային երիտասարդական համագործակցություն, Էրազմուս+ և Եվրոպական համերաշխության կորպուս, շրջակա միջավայր և կլիմա

ԱՇԽԱՏԱՆՔԱՅԻՆ ԳՐԱՖԻԿ ԵՎ ԱՇԽԱՏԱՆՔԻ ԾԱՎԱԼ՝ ամբողջ դրույք (շաբաթական 40 ժամ), 5-օրյա աշխատանքային գրաֆիկ

ՊԱՅՄԱՆԱԳՐԻ ԺԱՄԿԵՏ՝ 22 ամիս

ԱՇԽԱՏԱՆՔԻ ՍԿԻԶԲ՝ 13 հունվարի 2025 թ․

ԱՇԽԱՏԱՆՔԻ ՎԱՅՐ՝ Գյումրի, ԵՆԿ ՀԿ գրասենյակ (Ալեք Մանուկյան 26)

ԱՆՄԻՋԱԿԱՆ ՂԵԿԱՎԱՐ՝ Կազմակերպության տնօրեն

ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐ

Ղեկավարել ծրագիրը՝ համաձայն մշակված գործողությունների պլանի և ժամանակացույցի,
Կազմակերպել ծրագրի գործողություններից բխող գնումները, կազմել պայմանագրերն ու համաձայնագրերը և ապահովել դրանց վավերացումը,
Իրականացնել ծրագրի ընթացիկ մշտադիտարկումը,
Պատրաստել և արխիվավորել ծրագրի փաստաթղթերի փաթեթը,
Ապահովել կապը և հաղորդակցությունը ծրագրի գործընկերների միջև,
Աջակցել ծրագրով նախատեսված կանոնակարգերի մշակմանը և/կամ տեղայնացմանն ու փորձարկմանը, կլիմայական գործողությունների մասին տեղական քաղաքականությունների ուսումնասիրմանն ու համապատասխան նախաձեռնությունների իրականացմանը,
Ներկայացնել ծրագրային գործողությունների ամսական հաշվետվություններ և ապահովել ծրագրի միջանկյալ, վերջնական հաշվետվությունների կազմումն ու ներկայացումը,
Աջակցել և կազմակերպել ծրագրի միջազգային գործընկերների այցը Հայաստան,
Կազմակերպել և համակարգել տեղեկատվական արշավներ երիտասարդների, երիտասարդական կազմակերպությունների և ՏԻՄ-երի շրջանում՝ կլիմայի և բնապահպանության թեմաներով,
Իրականացնել Հայաստանից մասնակիցների հավաքագրումը և մասնակցությունը ծրագրային տարբեր գործողություններում, ներառյալ՝ առցանց և առերես դասընթացներ, տեղական և միջազգային փոխայցելություններ,
Կազմակերպել և իրականացնել հանդիպումներ, աշխատարաններ և դասընթացներ ծրագրի շահագրգիռ կողմերի հետ, ներառյալ՝ երիտասարդական կազմակերպությունների և ՏԻՄ-երի ներկայացուցիչներ,
Ապահովել ծրագրի գործողությունների տեսանելիությունը և արտաքին ներկայացուցչությունը,
Համակարգել ծրագրային թիմի աշխատանքները և անհրաժեշտության դեպքում անցկացնել ծրագրի աշխատակազմի ժողովներ,
Աջակցել Եվրոպական համերաշխության կորպուսի «Թիմային կամավորություն» երկփուլ ծրագրի շրջանակներում Հայաստանում հյուրընկալված կամավորներին իրենց առաջադրանքների իրականացման գործընթացում,
Մասնակցել ԵՆԿ ՀԿ աշխատակազմի ժողովներին,
Մասնակցել ԵՆԿ ՀԿ ծրագրային ժողովներին և ծրագրերի մշակման գործընթացներին:

ԱՆՀՐԱԺԵՇՏ ՈՐԱԿԱՎՈՐՈՒՄ ԵՎ ՊԱՅՄԱՆՆԵՐ

Կրթության, սոցիալական և հանրային կառավարման ոլորտներում կամ հարակից բնագավառներում առնվազն բակալավրի աստիճան,
Առնվազն 1 տարվա ծրագրերի մշակման, համակարգման և ղեկավարման փորձ (աշխատանքի թեմատիկ ոլորտում աշխատանքային/ փորձնակության/ կամավորության փորձը կդիտվի առավելություն),
Թիմում աշխատելու և թիմ ղեկավարելու հմտություններ,
Բարձր միջմշակութային հմտություններ,
Բանակցելու և կոնֆլիկտների հանգուցալուծման հմտություններ,
Հաղորդակցման և ներկայացուցչական հմտություններ,
Հայերենի և անգլերենի գերազանց իմացություն,
Վերլուծական մտածողություն,
Համակարգչից և համացանցից օգտվելու գերազանց հմտություններ:
Էրազմուս+ և Եվրոպական համերաշխության կորպուս ծրագրերում փորձառությունը կդիտվի որպես առավելություն։

ԸՆՁԵՌՎՈՂ ՀՆԱՐԱՎՈՐՈՒԹՅՈՒՆՆԵՐ

Մասնագիտական և աշխատանքային առաջխաղացում,
Հայաստանում և արտերկրում վերապատրաստումներ:

ԴԻՄԵԼՈՒ ԸՆԹԱՑԱԿԱՐԳ

Ներկայացված պահանջներին համապատասխանող թեկնածուները կարող են մինչև դեկտեմբերի 23-ը ուղարկել հայերեն ինքնակենսագրական և ուղեկցող նամակ hr@yic.am էլ-հասցեով՝ նամակի վերնագրում նշելով «Ծրագրի ղեկավար_անուն ազգանուն»:

Պահանջներին բավարարող թեկնածուները կհրավիրվեն հարցազրույցի, որը տեղի կունենա հունվարի 7-ին։ Հարցազրույցի ժամի մասին կտեղեկացվի ավելի ուշ։

Տեխնիկական պահանջներին չհամապատասխանող հայտերը չեն դիտարկվի:

Հարցերի և մանրամասների համար կարող եք զանգահարել ԵՆԿ գրասենյակ (երկուշաբթիից ուրբաթ, ժամը 09:00-18:00) հետևյալ հեռախոսահամարով՝ 095 91 91 97: