«ԵՐԻՏԱՍԱՐԴՆԵՐԻ ՏՈՒՆ» ԲԱՑ ԵՐԻՏԱՍԱՐԴԱԿԱՆ ԿԵՆՏՐՈՆ
Ընդհանուր տեղեկատվություն
«Երիտասարդների տուն» բաց երիտասարդական կենտրոնը բաց
երիտասարդական աշխատանքի մեթոդաբանությամբ և սկզբունքներով աշխատող առաջին երիտասարդական կենտրոնն է Հայաստանում։ «Երիտասարդների տունը» հիմնադրվել է Գյումրու «Երիտասարդական նախաձեռնությունների կենտրոն» ՀԿ-ի (Հայաստանում գործող այն եզակի երիտասարդական կազմակերպություններից մեկի, որը հմտացած էերիտասարդական աշխատանքի մեջ) կողմից 2018 թվականի մայիսին որպես Հայաստանում երիտասարդական աշխատանքի ինտեգրման, հզորացման և նորարարության պիլոտային ծրագիր: Կազմակերպությունը հավատում է, որ երիտասարդներ հետ պրոֆեսիոնալ աշխատանքը և անվճար ծառայությունները Գյումրիի հեռավոր տարածաշրջաններից մեկում ունի անվտանգ և երիտասարդակենտրոն միջավայրում ներկայումս գոյություն ունեցող բացը լրացնելու և անձնային զարգացում ու ոչ-ֆորմալ ուսուցման հնարավորություններ տալու այն լիարժեք ներուժը:
«Երիտասարդների տունը» գործարկվել է «Բաց երիտասարդական աշխատանք. Գյումրիում երիտասարդների հզորացում» ծրագրի շրջանակներում, որը համաֆինանսավորվել է Եվրոպական միության կողմից և իրականացվել է ԵՄ կողմից ֆինանսավորվող «Աջակցություն ՀՀ քաղաքացիական հասարակության կազմակերպությունների կարողությունների հզորացմանը» ծրագրի փոքր դրամաշնորհային նախագծի շրջանակներում։ Կենտրոնը ստեղծվել է «Հետազոտական ռեսուրսների կովկասյան կենտրոն – Հայաստան» հիմնադրամ կոնսորցիումի և Գյումրու համայնքապետարանի հետ համագործակցությամբ։
Կենտրոնի նպատակն է բարձրացնել Հայաստանում`մասնավորապես Գյումրիում, երիտասարդների քաղաքացիական ակտիվությունն ու բարեկեցությունը՝ երիտասարդական աշխատանքի և երիտասարդների մասնակցության նորարարական մոտեցումների կիրառման միջոցով։
Կենտրոնը Գյումրիում 13-ից 18 տարեկան երիտասարդներին առաջարկում է երիտասարդական ծառայությունների լայն շրջանակ՝ ներառյալ կյանքի հմտությունների և աշխատանքային մրցունակության կարողունակությունների զարգացում, անհատական կամ խմբային խորհրդատվություն և ոչ-ֆորմալ կրթություն, որոնք միտված են բարձրացնելու երիտասարդների 
ինքնագնահատականը, ավելի վստահ տեր կանգնելու իրենց կյանքին ու ավելացնելու ապագայում աշխատանք գտնելու հնարավորությունները: Կենտրոնը ծառայություններ է մատուցում տարեկան 600 պատանու։
Կենտրոնը նաև ապահով տարածք է ինքնաարտահայտվելու, ժամանցի և հասակակիցների հետ ծանոթանալու և շփվելու համար։
Կենտրոնը` որպես հարթակ, ծառայում է նաև թեմատիկ քննարկումների, սեմինարների, դասընթացների համար և համագործակցություն է խթանում քաղաքացիական հասարակության կառույցների, դպրոցների, երեխաների խնամքի կենտրոնների, սոցիալական ծառայությունների, ոստիկանության, համայնքապետարանի և այլ հաստատությունների միջև՝ ապահովելով երիտասարդների համար որակյալ և հասանելի ծառայությունների լայն շրջանակ:
Կենտրոնի առօրյան
«Երիտասարդների տան» յուրաքանչյուր աշխատանքային օր հագեցած է և բազմազբաղ։ Կենտրոնում անցկացվում են շատ տարբեր թեմաներով և նպատակադրումներով աշխատարաններ, ֆիլմի դիտումներ և գրքի քննարկումներ։ 13-18 տարեկան երիտասարդների համար կազմակերպվում են տարբեր խաղեր և միջոցառումներ, անցկացվում են թեմատիկ շաբաթներ։
Կենտրոնն ունի մի շարք բացօթյա և սեղանի ուսուցողական ու ժամանցային խաղեր, 4 համակարգիչ և Փլեյսթեյշն՝ կարաոկեի հնարավորությամբ, և երիտասարդը, մուտք գործելով այստեղ, կարող է ինքն ընտրել, թե ինչով կուզենա զբաղվել կենտրոնում։
Կենտրոնի աշխատանքների բովանդակային պլանավորումը, հետաքրքիր միջոցառումներն ու աշխատարաններն իրականացնում են կենտրոնի համակարգողը, հմուտ երիտասարդական աշխատողները, ինչպես նաև տեղական և միջազգային կամավորները։
Ակումբներ
«Երիտասարդների տանը» գործում են անգլերենի, համակարգչային, արվեստի, խոհարարության, յոգայի, երաժշտական, լուսանկարչության և տեսանյութերի պատրաստման ակումբներ։ Անցկացվում են նաև աղջիկների հեծանվավարության և առաջնորդության դասընթացներ։ Կենտրոնն ունի 14 հեծանիվ, որոնք տրամադրվում են 13-18 տարեկան բոլոր հեծանիվ վարել ցանկացող աղջիկներին։
Գյումրու «Երիտասարդական նախաձեռնությունների կենտրոն» ՀԿ-ի «Երիտասարդների տուն» բաց երիտասարդական կենտրոնի ֆինանսավորման նպատակով նախաձեռնվել էր ֆոնդահայթայթման արշավ: 2018 թվականի նվիրատուների ցանկը կարող եք գտնել հետևյալ հղումով:
Կենտրոնի մասին ավելին իմանալու համար կարող եք հետևել`
Ֆեյսբուքյան էջին՝ https://www.facebook.com/youthhousegyumri/
Ինսթագրամին՝ https://www.instagram.com/youthhousegyumri/
ԵՏ E-mail youthhouse@yic.am
ԵՆԿ E-mail yic@yic.am
Հասցե՝ Վազգեն Սարգսյան 20
Կոնտակտային տվյալներ՝ 094 05 91 97
Բաց երիտասարդական աշխատանքի ազդեցության վերլուծություն
ԵՆԿ Երիտասարդների տուն. Ծախս-Օգուտ Վերլուծություն