Դեկտեմբերի 28-ին կայացավ Գյումրու «Երիտասարդական նախաձեռնությունների կենտրոն» հասարակական կազմակերպության հիմնադրման տարեդարձին նվիրված և տարեվերջյան ընթրիք-միջոցառումը։

Միջոցառման ընթացքում կայացավ ԵՆԿ ամենամյա մրցանակաբաշխությունը: Գյումրու «Երիտասարդական նախաձեռնությունների կենտրոն» ՀԿ նախագահ Արթուր Նաջարյանը, ամփոփելով 2021 թվականը, շնորհակալություն հայտնեց կազմակերպության աշխատակազմի անդամներին իրենց բարխիղճ ու արհեստավարժ աշխատանքի համար և ներկայացրեց շնորհվող ավանդական դարձած տիտղոսներն ու շնորհակալագրերը։

ԵՆԿ մրցանակաբաշխության շրջանակներում 2021 թվականին ներկայացված անվանակարգերն և տիտղոսակիրներն են`

 «Տարվա անդամ»՝ Կարեն Տերտերյան
 «Տարվա աշխատակազմի անդամ»՝ Էմիլյա Եգանյան
 «Տարվա երիտասարդական աշխատող» «Գյումրու երիտասարդների տուն» բաց երիտասարդական կենտրոն՝ Անժելա Ջանոյան
 «Տարվա երիտասարդական աշխատող» «Սպիտակի երիտասարդների տուն» բաց երիտասարդական կենտրոն՝ Ջավահիր Հակոբջանյան
 «Տարվա գործընկեր-մեդիա ներկայացուցիչ»՝ Նունե Արևշատյան
Հատուկ անվանակարգ՝
 «Աշխատակազմի տարվա բանակցող անդամ»՝ Լիլիթ Սինդոյան։