Երիտասարդների տուն
yh3

Գյումրու «Երիտասարդական նախաձեռնությունների կենտրոն»-ում շարունակում ենք տրամադրել երիտասարդներին տարածք և ոգևորել` զարգացնելու իրենց գաղափարներն և նախաձեռնությունները:

2013թ. մարտ ամսին կազմակերպությունը ազդարարեց շարունակական արշավի մեկնարկը, որի նպատակն է խրախուսել երիտասարդների մասնակցությունը և սոցիալական ակտիվությունը:
«Կերտիր քո ապագան» նախաձեռնությունը նախատեսում է տալ Գյումրու և նրա հարակից շրջանների երիտասարդությանը հնարավորություն՝ մշակել ինքնատիպ, փոքր մասշտաբի ծրագրեր, որոնք իրագործելու են իրենց համայնքներում:

Ծրագրի առաջին փուլը նախատեսում էր առցանց դրամահավաք իրականացնել` ընտրված երիտասարդական ծրագրերը իրագործելու համար (այցելել հետևյալ հղումով http://ulule.com/create-your-future/):

Մեր նպատակն է հավաքել տարեկան 5,000 եվրո, որը ԵՆԿ ՀԿ-ին կօգնի յուրաքանչյուր եռամսյակում ֆինանսավորելու` մրցութային կարգով ընտրված մինչև հինգ նախաձեռնություն: ԵՆԿ ՀԿ-ն նաև կանցկացնի համապատասխան դասընթացներ, կտրամադրի ռեսուրսներ և աջակցություն` խրախուսելու տեղացի երիտասարդների մասնակցությունը:

«Կերտիր քո ապագան» նախաձեռնությունը հատուկ մշակված է՝ իրենց համայնքներում ակտիվորեն ներգրավվելու միջոցով, երիտասարդներին հնարավորություն և ռեսուրսներ տրամադրելու, սեփական հմտությունները զարգացնելու համար: Որպես համայնքային ծրագրերի նախաձեռնողներ և կազմակերպիչներ` մասնակիցները կձևավորեն առաջնորդական հմտություններ և կունենան հնարավորություն` զարգացնելու ծրագիր կազմելու գործնական հմտություններ:

Մանրամասների և նախաձեռնությանն աջակցելու համար, կարող եք գրել youthhouse@yic.am էլ-հասցեով: